1699

Ár

1696 1697 1698 – 1699 – 1700 1701 1702

Áratugir

1681-1690 – 1691-1700 – 1701-1710

Aldir

16. öldin – 17. öldin – 18. öldin

Árið 1699 (MDCXCIX í rómverskum tölum) var 99. ár 17. aldar. Það hófst á fimmtudegi samkvæmt gregoríska tímatalinu eða sunnudegi samkvæmt júlíska tímatalinu sem er tíu dögum á eftir.

Atburðir

Danska sálmaskáldið Thomas Kingo

• 26. janúar - Pólsk-litháíska samveldið, Feneyjar og Austurríki gerðu Karlowitz-sáttmálann við Tyrkjaveldi þar sem Tyrkir létu eftir stóran hluta af löndum sínum í Austur-Evrópu og á Balkanskaga.
• 4. febrúar - 350 streltsíverðir voru teknir af lífi í Moskvu.
• 6. júlí - Sjóræningjaforinginn William Kidd var handtekinn í Boston.
• 21. júlí - Sálmabók Kingos var samþykkt af Danakonungi.
• 25. ágúst - Friðrik 4. varð konungur Danmerkur.
• 18. september - Haldið var brúðkaup í Skálholti er Jón Vídalín biskup gekk að eiga Sigríði Jónsdóttur frá Leirá. Í brúðkaupinu voru 23 prestar.
• 22. nóvember - Danmörk, Pólsk-litháíska samveldið, Saxland og Rússland gerðu með sér Preboasjenskí-sáttmálann þar sem þau kölluðu eftir skiptingu Svíaveldis.
• 20. desember - Pétur mikli fyrirskipaði að nýja árið skyldi hefjast 1. janúar í stað 1. september eins og áður hafði verið.

Ódagsettir atburðir

• Fiskmarkaðurinn í Billingsgate var formlega stofnaður með lögum frá breska þinginu.

Fædd

• 2. janúar - Ósman 3. Tyrkjasoldán (d. 1757).
• 31. janúar - Mathias Haydn, austurrískur vagnsmiður (d. 1763).
• 10. desember - Kristján 6. Danakonungur (d. 1746).

Dáin

• 12. mars - Peder Schumacher Griffenfeld, danskur stjórnmálamaður (f. 1635).
• 21. apríl - Jean Racine, franskt leikskáld (f. 1639).
• 25. ágúst - Kristján 5. Danakonungur (f. 1646).
• 29. nóvember - Patrick Gordon, skoskur herforingi í her Rússakeisara (f. 1635).

Opinberar aftökur

• Sveinn Halldórsson hengdur í Gálgagili, Vestur-Húnavatnssýslu, fyrir þjófnað.^[1]
• Þorleifur Jónsson hengdur í Gálgagili, Vestur-Húnavatnssýslu, fyrir þjófnað.^[2]
• Steingrímur Helgason, sagður „gamall stórþjófur“, hengdur í Gálgagili, Vestur-Húnavatnssýslu, fyrir þjófnað.
• Jón Sigmundsson hengdur fyrir þjófnað á Alþingi.^[3]
• Sigurður Jónsson hengdur í Gálgagili, Vestur-Húnavatnssýslu, fyrir þjófnað.
• Halldór Dagsson hengdur í Gálgagili, Vestur-Húnavatnssýslu, fyrir þjófnað.^[4]

Tilvísanir

1. Gæti einnig hafa verið árið 1700, skv. heimildum Dysja hinna dæmdu.
2. Sama á við og um Svein, þetta gæti eins hafa verið árið 1700.
3. „Annar þjófur var dæmdur til dauða á þinginu en hann braust úr járnum“ segir í skrám Dysja hinna dæmdu.
4. Öll gögn um framangreindar aftökur sóttar á vef rannsóknarverkefnisins Dysjar hinna dauðu, ekki síst skrá á slóðinni https://dhd.hi.is/gogn/Info.pdf, sótt 15.2.20202.