Ti Sonora (Panangibalikas nga Espaniol: [soˈnoɾa](dengngen)), opisial a ti Nawaya ken Naturay nga Estado ti Sonora (Espaniol: Estado Libre y Soberano de Sonora), ket maysa kadagiti 31 nga estado, a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 72 nga ili ken ti kapitoliona ket ti siudad ti Hermosillo.
Ti masna a heograpia ti Sonora ket nabingbingay kadagiti tallo a parte: ti Sierra Madre Occidental iti daya ti estado; dagiti tanap ken dagiti agtultulatid a turod iti tengnga; ken ti aplaya iti Golpo ti California. Daytoy ket nangruna a dagiti a namaga wenno namaga bassit a desierto ken karuotan, a ti laeng addaan iti bassit a panagtudtudo ket dagiti nangato a lugar a mangsuporta kadagiti sabali a mula.
Ti Sonora ket pagtaengan dagiti walo nga indihenio a tattao, a mairaman ti Mayo, ti Yaqui, ken Seri.Daytoy ket nangruna iti ekonomia para iti agrikulturana, dinguen (naipangpangruna iti karne ti baka), ken ti panagmina manipud idi panawen ti kolonia, ken para iti kasasaadna akas pagbeddengan nga estado manipud idi Gubat ti Mehikano–Amerikano. Iti Panaggatang iti Gadsden, napukaw ti Sonora iti ad-adu ngem pagkapat a teritoriona.[2]
.svg)
