Nasalakniban a Ladawan ti daga ti Libunao

Nasalakniban a Ladawan ti daga ti Libunao
Nasalakniban a Ladawan ti daga ti Ubbog ti Libunao
Kategoria V ti IUCN (nasalakniban a ladawan ti daga/ladawan ti baybay)
Lokasion idiay Filipinas Ipakita ti mapa ti Luzon Nasalakniban a Ladawan ti daga ti Libunao (Filipinas) Ipakita ti mapa ti Filipinas
Lokasion	Ilocos Sur, Filipinas
Kaasitgan a siudad	Vigan
Nagsasabtan	17°51′11″N 120°31′17″ENagsasabtan: 17°51′11″N 120°31′17″E
Kalawa	46.7 ektaria (115 acre)
Nabangon	Oktubre 2, 1931 (reserba ti kabakiran ti pagbibingay ti danum) Abril 23, 2000 (Nasalakniban a ladawan ti daga)
Mangituray a bagi	Departamento ti Enbironmento ken dagiti Masna a Rekurso

Ti Nasalakniban a Ladawan ti daga ti Libunao, ammo pay a kas ti Nasalakniban a Ladawan ti daga ti Ubbog ti Libunao, ket ti maysa a nasalakniban a lugar iti Rehion ti Ilocos iti isla ti Luzon iti Filipinas a mabirukan iti akinlaud a pakad ti turturod ti Kabambantayan ti Ilocos. Daytoy ket salaknibanna ti Ubbog ti Libunao ken dagiti kaarrubayan a bakir, ken ti pay pagbibingayan ti danum ti Karayan Nagcullooban. Immuna nairangarang a kas ti Libunao Spring Watershed Forest Reserve idi 1931 babaen ti Proklamasion Blng. 410 nga impaay babaen ni Gobernador-Heneral Dwight F. Davis, ti parke ket napundar manen a kas maysa a lugar ti nasalakniban a ladawan ti daga babaen ti National Integrated Protected Areas System idi 2000 babaen ti Proklamasion Blng. 280 a pinirmaan babaen ni Presidente Joseph Estrada.^[1][2] Ti pagbibingayan ti danum ti Libunao ket ti taudan ti danum a mangipaay para iti domestiko a panagusar ken ti panagsibog kadagiti kaarrubayan a talon ken dagiti komunidad ti akin-amianan a probinsia ti Ilocos Sur.

Deskripsion

Ti lugar ti nasalakniban a ladawan ti daga ti Libunao ket sakupenna ti kalawa iti 46.7 ektaria (115 acre).^[3] Daytoy ket sakupenna dagiti ili ti Sinait ken Cabugao, manipud iti away a purok ti Sinait iti Nagcullooban aginggana iti sitio ti Cabugao iti Caset iti Baranggay Maradodon.^[4] Daytoy ket addaan iti agpakatengnga a bakras iti pagbaetan ti 18% ken 50%.^[5] Ti parke ket mabirukan iti agarup a 15 kilometro (9.3 mi) manipud iti poblacion wenno iti maitutop nga ili ti Sinait ken Cabugao ken agarup a 36 kilometro (22 mi) iti amianan ti kapitolio ti probinsia ken siudad ti tawid iti Vigan. Daytoy ket maysa kadagiti uppat a nasalakniban a lugar ti pagbibingayan ti danum a ladawan ti daga ti Ilocos Sur.

Kaaduan a naabongotan ti Libunao kadagiti pan-aw ken rono. Dagiti tanap a kabakiranna ket aglaon kadagiti sebbangan ti kayo a kas ti mangga, narra, kaoba, bangkal, acacia, ipil-ipil, duhat, akleng parang, elemi, tibig, hauili, anabiong ken molave.^[5]

Kitaen pay

• Nasalakniban a Ladawan ti daga ti Lidlidda
• Nailian a Parke ti Turod dagiti Bannuar ti Akin-amianan a Luzon

Dagiti nagibasaran

1. "2004 Statistics on Philippine Protected Areas and Wildlife Resources". Department of Environment and Natural Resources Biodiversity Management Bureau. Naiyarkibo manipud iti kasisigud idi Agosto 8, 2014. Naala idi Nobiembre 8, 2014.
2. "Proclamation No. 280" (PDF). Department of Environment and Natural Resources. Naiyarkibo manipud iti kasisigud (PDF) idi Nobiembre 8, 2014. Naala idi Nobiembre 8, 2014.
3. "Region 1 – Protected Areas". Department of Environment and Natural Resources Biodiversity Management Bureau. Naiyarkibo manipud iti kasisigud idi 2014-11-08. Naala idi Nobiembre 8, 2014.
4. "Summary of farmer problems Libunao Spring Watershed Forest Reserve". Strengthening the Institute of Agroforestry and Watershed Management, Philippines. Naala idi Nobiembre 8, 2014.
5. "DMMMSU/IAWM Asia Link Project". Strengthening the Institute of Agroforestry and Watershed Management, Philippines. Naala idi Nobiembre 8, 2014.