Ni Miguel de Benavides y Añoza (c. 1552 – Hulio 26, 1605) ket maysa idi a klero a Kastila ken sinologo, ti immuna nga Obispo ti Mitra ti Nueva Segovia, ti maiaktlo nga arsobispo ti Arkidiosesis ti Manila, ken ti nagpundar ti Unibersidad ti Santo Tomas idiay Manila.[1]
Biograpia
Ni Miguel de Benavides ket naipasngay idi 1552, iti natakneng a pamilia idiay Carrión de los Condes, Espania. Isu ket simrek iti Urnos ti Dominokano idiay San Pablo de la Moraleja, Valladolid, ken kalpasanna nangited ti serbisio idiay Colegio de San Gregorio.[1]
Isu ket timmipon iti immuna a grupo dagiti Dominikano a napan idiay Manila idi 1587, ken kalpasanna napanda idiay Tsina nga idiay ket nangnamnama a mangpadakkel ti lokal a simbaan ti Katoliko . Isu ket kanungpalan a napatalaw, ken nangipatakder ti ospital para kadagiti Insik idiay Binondo, Manila,sakbay a nagbalin a daulo ti urnos. Isu ket kimmuyog kenni Arsobispo Domingo de Salazar idi Espania tapno mangsalaknib kadagiti patubo a Pilipino kadagiti panagparmek dagiti Kastila.[1]
Obispo
Isu ti immuna a naidutok nga obispo ti Nueva Segovia ken nakonsekrado idiay Mehiko idi 1597. Isu ti nagsurat ti Doctrina Christiana iti Insik, ti immuna a libro a naimaldit idiay Pilipinas. Isu ket simmmangpet idiay Nueva Segovia idi 1599, ngem idi kalpasan ti tallo a tawen, isu ket naidutok a kas ti Arsobispo ti Manila idi Oktubre 7, 1602. Ti konsekrasionna idiay Manila ket binayadan idi babaen ni Ari Felipe III , gaputa ni Benavides ket napanglaw unay idi. Idi Septiember 9, 1603, isu ti nangidaulo dagiti Franciscano tapno mangmaton ti Hapon a naggigian idiay Pilipinas. Iti isu met laeng a tawen, isu ket napabasol a nakibinglay iti panagpatay kadagiti rinibo nga Insik idi las-ud ti rebelion idiay Manila.[1]
Isu ket pimmusay idi Hulio 26, 1605 idiay Manila.
Ti biliotekena ken bukodna a tagikua ket nagpateg iti ₱1,500 ket dagitoy ket naidonar idi para iti pannakabagon ti instituto ti nangatngato a panagadal, ti Unibersidad ti Santo Tomas.[1]
Kitaen pay
Dagiti nagibasaran
- ^ a b c d e Aparicio, A.; Tejero, P.; et al. (2006 Agosto). Damdamag a Naiprenta: Naipangruna a Pablaak. Naal aidi Disiembre 23, 2009, manipud ti http://www.scribd.com
Dagiti akinruar a silpo
