International Journal of Greek Love esseva un revista academic statunitense editate inter januario 1965 e novembre 1966 per le numismatico Walter Breen (sub le pseudonymo J. Z. Eglinton).[1] Secundo su pagina editorial, IJGL esseva un publication "trimestral dedicate al studios litterari, historic, sociologic, psychologic e alteres relationate con le phenomeno del amor grec, definite como le amor inter homines e adolescentes". Malgrado su fugacitate e su circulation reducite, illo habeva un influentia considerabile inter le academicos homosexual e aperiva le cammino a altere importante publicationes activista o academic. Su publication supponeva un tentative pioner de publicar un revista scientific dedicate al studio del pederastia.
Le articulo de Jonathan Drake super le prostitution in Turchia[2] remane un del fontes le plus citate super le homosexualitate in iste pais. Equalmente, le articulo de Hammond super le Paidikion,[3] un manuscripto de thema pederastic de 570 paginas scribite per Kenneth Searight, creator del lingua auxiliar sona, circa le anno 1917,[4] e le studio de Marion Z. Bradley super le "amor grec" feminin in le litteratura moderne,[5] son altere collaborationes que ha servite pro le debatto.