Le Corte de Justitia del Union Europee[1] (in latino e officialmente: Curia[2]) es un institution del Union Europee que ha le poter jurisdictional del Union, e illo es considerate le corte supreme europee. Su mission es interpretar e applicar le jurisdiction del Union Europee e es characterisate per su natura organic composite e su functionamento e autoritate supranational. Usque le Tractato de Lisbona, su denomination era "Corte de Justitia del Communitate Europee".
Le natura del Corte de Justitia del Communitates Europee ha essite configurate via le Tractatos, habente assi character obligatori e permanente pro le institutiones europee e le statos membros. Illo es un jurisdiction interne inserite in le ordinamento juridic create sur base del derecto communitari europee, que agglutina in special combination un serie de characteristicas proprie de un corte constitutional, un jurisdiction administrative, un jurisdiction civil e un jurisdiction international.
Le Corte de Justitia seque un modello exclusive que ha nihil a facer con le cortes international proprie del derecto communitari estranier al Union Europee. Al contrario, le TJCE ha un natura supranational gratias al parte de soveranitate cedite per le statos membros, que lo permitte utilisar non solmente le fontes del derecto communitari europee e le derecto international, ma anque le derecto interne del statos. Assi, il tracta se de un jurisdiction de creation originari, con character obligatori e exclusivitate pro le casos previste in le Tractatos, casos in le quales le corte national es incompetente. Con respecto al methodo interpretative que seque le Corte de Justitia, on pote distachar le immensitate de principios que pote sequer pro resolver, assi como le labor del Advocatos General de extraher le principios commun o extendite in le ordinamentos juridic interne pro le casos in le quales le solution del conflicto non pote trovar se in le derecto communitari.