Քո անունը (ճապ. 君の名は。) , Մակոտո Շինկայի լիամետրաժ անիմե ֆիլմերից։ Անիմացիայով զբաղվել է Comix Wave Films ընկերությունը, ֆիլմի տեղայնացնողն է Toho-ն։ Հերոսների տեսքի վրա աշխատել են Մասայոսի Տանկան, իսկ երաժշտության հեղինակն է համարվում Radwimps: Ֆիլմի պրեմերիան կայացել է Anime Expo 2016- ի ժամանակ Լոս Անջելեսում (Կալիֆորնիա) 2016 թվականի հուլիսի 3- ին, պրեմերիան Ճապոնիայում կայացել է 2016 թվականի օգոստոսի 26- ին[1][2][3]։ Վեպը, որը նույնպես գրել է Մակոտո Շինկայը, որը նրան ոգեշնչել է ֆիլմը ստեղծելուն, որը թողարկվել է 2016 թվականի հունիսի 18- ին[4]։ Anime Expo 2016 թ.- ի ժամանակ հայտարարվել է, որ ֆիլմը տեղայնացվել է ամերիկական Funimation ընկերության կողմից[5]։
Սյուժե
Ֆիլմը սկսվում է գլխավոր հերոսների հետ ծանոթանալուց, Տակի Տատիբանոյի և Միցուհո Միյամիզուի, արթնանալով նրանք զգում են իրենց համար ինչ- որ կարևոր բանի կորուստ։ Հետո պատմվում է Միցուհի Միյամիզույի կյանքի մասին, ավագ դպրոցի աշակերտուհու, ով ապրում է գյուղական տարածքում։ Նա արթնանում է համր վիճակում, բայց դա շուտով անցնում է։ Դպրոցում նրա ընկերները հայտնում են, որ մեկ օր առաջ, նա իրեն տարօրինակ է պահել, բայց Միցուհան չի կարողանում ոչինչ հիշել։ Տուն վերադառնալով, ինչպես միկոներ, որպես ծես նա իր քրոջ հետ բնակիչների աչքի առջև կուտակիամի- Սակե (դա Սակեի հին տեսակ է, որը պատրաստում են բրինձը ծամելով) են պատրաստում։ Ամբոխի մեջ Միցուհան նկատում է իր համադասարանցիներին, ովքեր քննադատում են նրան և դա համարում են զզվելի։ Ծեսը ավարտելուց հետո նա բարկանում է և բղավում է այն մասին, որ ատում է իր հայրենի քաղաքը և իր կյանքը, և այն մասին, որ հաջորդ կյանքում երազում է ծնվել, որպես գեղեցիկ տղա Տոկիոյից։ Հաջորդ առավոտ Միցուհան հայտնվում է ավագ դպրոցի աշակերտ Տակի Տատիբանի մարմնում, ով ապրում է Տոկիոյի կենտրոնում, չիմանալով թե ինչու այսպես ստացվեց։
Շուտով Տակին և Միցուհան հասկանում են, որ նրանք փոխվել են մարմիններով քնած ժամանակ և որոշում են գտնել դրա պատճառը։ Որոշ ժամանակ անց նրանք սկսում են կյանքը տեսնել ուրիշի մարմնում, կարճ ժամանակահատվածում, ուրախ և հետաքրքիր, պայմանավորվում են ուրիշի կյանքում շատ չխորանալ, թողնելով հուշագրություններ և նշումներ ուրիշի մարմնում անցկացրած օրերի մասին։ Բայց, չնայած պայմանավորվածությանը, Միցուհան օգնում է Տակիին մտերմանալ իր գործընկերոջ Միկի Օկուդերոյի հետ և ի վերջո նրան հրավիրում է ժամադրության։ Օրվա վերջում, անցկացրած Տակիի հետ, նրա գործընկերը հեռանում է նրանից, ասելով, որ այժմ նրան ուրիշն է դուր գալիս, և ոչ թե նա։ Մտածելուց հետո Տակիին փորձում է կապ հաստատել Միցուհայի հետ, բայց նրա մոտ դա չի հաջողվում։ Արդյունքում նա որոշում է խոսել նրա հետ անձամբ, գնալով նրա հայրենի քաղաք։
Չիմանալով քաղաքի անունը, որտեղ նա գտնվում է, նա հիմնվում է իր արած էսքիզների վրա, որոնք նկարել այնտեղի դաշտավայրերում, և փորձում է գտնել ճանապարհը։ Իր ընկերոջ՝ Ցիկասա Ֆուդզիի և գործընկերոջ՝ Միկի Օկուդերայի հետ, նա ճանապարհորդում է Ճապոնիայի այլ տարածքներում, որպեսզի գտնի այդ քաղաքը։ Մի ռեստորանում մատուցողուհին իմանում է Տակիի նկարում պատկերված վայրը, ասելով, որ այդ քաղաքը գեղեցիկ էր։ Ռեստորանի տնօրենը տանում է նրանց այդտեղ, որտեղ առաջ եղել է այդ քաղաքը (այժմ քաղաքի փոխարեն այնտեղ խառնարան) է, և պատմում է, որ գիսաստղը ավերել է Իտոմորին երեք տարի անց, սպանելով բնակչության մեկ երրորդին։ Տակին նայում է մարդկանց անունների ցուցակը, ովքեր մահացել են կատարվածի ժամանակ, և գտնում է Միցուհիի և իր երկու ընկերներին Կացուհիկո Տեսիգավարայի և Սայկա Նատորիի անունները։
Չիմանալով որ կա իրականություն, նա փորձում է գտնել նշումներ, որոնք Միցուհան թողնել է իր հեռախոսում, որպեսզի համոզվի նրանում, որ այս ամենը երազ չի եղել, բայց նրա աչքերի առաջ բոլորը անհետանում են։ Կատարվածից հետո Տակիին գնում է սարերում գտնվող ստորգետնյա տաճար, որտեղ Միցուհայի տատիկը տարել էր քույրերին, որպեսզի կուտիկամի- սակե նվիրի աստվածներին։ Հասկանալով, որ նրա և Միցուհայի ժամանակները առաջ համապատասխանացվել են, Տակին խմում է սակեն, որը պատրաստել էր Միցուհան, այն հույսով, որ կկարողանա վերականգնել կապը նրա մարմնի հետ մինչ գիսաստղի հարվածը։ Նրա մարմնում նա պատմում է ընկերներին աղետի մասին և փորձում է նրանց օգնությամբ տարահանել բնակչությանը։ Միցուհայի հոգին արթնանում է Տակիի հոգում, և նա գնում է սարի գագաթը, որտեղ նրան հետևում է Տակին Միցուհայի մարմնում, միայն թե նրանք չեն կարողանում իրար տեսնել։ Բայց հենց արևը մայր է մտնում, նրանք վերադառնում են իրենց մարմինները և հիմա, այնտեղ գանգնած, նրանք կարող են տեսնել միմյանց։ Չնայած հանդիպմանը, Տակին զգուշացնում է Միցուհային աղետի մասին և ասում է, որ պետք է համոզել իր հորը տարահանել մարդկանց, քանի դեռ ուշ չէ։ Ինչպես նաև նրանք որոշում են, որ պետք է գրեն իրենց անունները ձեռքերի վրա, որպեսզի չմոռանան միմյանց մասին։ Բայց մինչ նրանք վերջացնում են գրելը, իրենց միավորումը ընդհատվում է, արևը ամբողջությամբ մայր է մտնում և նրանք վերադառնում են իրենց ժամանակները՞ Չնայած նրան, որ նրանք ամեն կերպ փորձում են հիշել միմյանց անունները, արդյունքում նրանց մոտ դա չի ստացվում։
8 տարի անց ցուցադրվում է, որ Իտոմորի քաղաքի բնակիչներին հաջողվեց փրկվել, իսկ Միցուհան և Տակիին հանդիպում են Տոկիոյում աստիճանավանդակների վրա։ Եվ չնայած նրան, որ նրանք չեն հիշում կատարվածի մասին, նրանք զգում են, որ գիտեն իրար և հարցնում են միմյանց անուները։
Կերպարներ
Միցուհա Միյամիդզու (宮水 三葉) — հասարակ ավագ դպրոցի աշակերտուհի գավառական քաղաքից։ Շատ խիստ և հաստատակամ մարդ։ Նրա հայրը- տեղի քաղաքապետն է, ով հազվադեպ է տանը լինում, այնպես որ նա ապրում է իր փոքր քրոջ հետ, ով սովորում է նախնական դպրոցում, և տատիկի հետ։ Հոգնելով գավառից, աղջիկը տեղափոխվում է ապրելու Տոկիո։
- Սեյու Մոնե Կամիսիրաիսի
Տակի Տատիբանա (立花 瀧) — ավագ դպրոցի աշակերտ, ով ապրում է Տոկիոյի կենտրոնում։ Ազատ ժամանակ նա շփվում է ընկերների հետ և կես աշխատանքային օր աշխատում է իտալական ռեստորանում, որպեսզի ապահովի իրեն։ Հետաքրքրվում է ճարտարապետությամբ և նման այլ արվեստներով։ Հոգնելով մեծ քաղաքի խառնաշփոթից, Տակին երազում է հանգիստ ապրել ինչ- որ տեղ սարերում։
- Սեյու- Ռյունոսկե Կամիկի
Միկի Օկուդերա (奥寺ミキ) — համալսարանի ուսանող, աշխատում է նույն ռեստորանում, որում աշխատում է Տակին
- Սեյու- Մասամի Նագասավա
Յոցուհա Միյամիձու (宮水四葉) - Միցուհիի փոքրիկ քույրը։
- Սեյու- Կանոն Տանի
Հիտոհա Միյամիձու (宮水一葉) — ընտանիքի և տաճարի գլխավոր, Միցուհիի և Իոցուհիի տատիկը։
- Սեյու- Եցուհո Իտիհարա
Կացուհիկո Տեսիգավարա (勅使河原克彦) — Միցուհայի ընկերը, վարպետ է տեխնիկայում և տարբեր մեխանիզմներում։
- Սեյու- Ռյո Նարիտա
Սայկա Նատորի (名取早耶香) — Միցուհիի ընկերուհին, ռադիո սիրահարների ակումբի անդամ
- Սեյու։ Աոյ Յուկի
Ցուկասա Ֆուձի (藤井司) և Սինտա Տակագի (高木真太) — Տակիի համադասարանցիները։
- Սեյու- Նոբունագա Սիմաձակի և Կայտո Իսիկավա
Տոսիկի Միյամիձու (宮水俊樹) — Միցուհիի և Իոցուհիի հայրը, Իտոմորի քաղաքի քաղաքապետ։
- Սեյու- Մասակի Տերասոմա
Յուկարի Յուկինո (野百香里) — Միցուհիի, Կացուհիկոյի և ՍԻյկիի ճապոներենի ուսուցիչը։ Նաև, «Նրբագեղ բառերի այգի» անիմեի գլխավոր հերոսուհին։
- Սեյու- Կանա Հանաձավա
Երաժշտություն
Ֆիլմի համար Radwimps- ը ստեղծել է ավելի քան 22 երգ, ինչպես նաև թեմատիկ երգեր.
- Zen Zen Zense,
- Sparkle,
- Yume Tourou և
- Nandemo Nai ya[6].
Ծանոթագրություններ
Արտաքին հղումներ
|
|---|
| | Անիմացիոն ֆիլմեր | |
|---|
| | OVA | |
|---|
| | Անիմացիոն և համագարկչային աշխարհում | |
|---|
| | Անիմե սերիալներ | |
|---|
| | Երաժշտական տեսահոլովակներ | |
|---|
|
