Ռոբերտ Մակ (սլովակ.՝ Róbert Mak, մարտի 8, 1991(1991-03-08)[1][2][3], Բրատիսլավա, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն), սլովակ ֆուտբոլիստ, գերմանական «Նյուրնբերգ» ակումբի և Սլովակիայի ազգային հավաքականի կիսապաշտպան։
Ակումբային կարիերա
Մակը սկսել է իր կարիերան Բրատիսլավայի «Սլովան» մանկական ակումբում։ 13 տարեկան հասակում նրան նկատում է անգլիական «Մանչեսթր Սիթի» ակումբը։ Շուտով նրան հրավիրում են Մանչեսթր Սիթիի երիտասարդական ակումբ, որտեղ նրա խաղընկերներն էին իր հայրենակիցներ Վլադիմիր Վայսը և Ֆիլիպ Մենտելը։ 17 տարեկանում Մակն արդեն ակումբի պահեստայինների թվում էր, բայց չկարողացավ իր տեղը գտնել հիմնական կազմում, որովհետև մրցակցությունը շատ մեծ էր։
2010 թ. հունիսի 11-ին Մակը ստորագրեց 3 տարվա պայմանագիր գերմանական «Նյուրնբերգ» ակումբի հետ։ Օգոստոսի 28-ին Մակն անկացրեց իր մեկնարկային հանդիպումը Նյուրնբերգի կազմում, երբ թիմը մրցում էր «Ֆրայբուրգ» ակումբի հետ Գերմանիայի առաջնության ժամանակ։ Այդ խաղում Մակը դուրս եկավ փոխարինման՝ փոխարինելով Մայկ Ֆրանցին։ Նոյեմբերի 11-ին Մակը կարողացավ խփել իր առաջին գոլը Նյուրնբերգի կազմում, երբ թիմը մրցում էր «Կայզերսլաուտերն» ակումբի հետ։
Ազգային հավաքականի կազմում
Մակը հանդես է եկել Սլովակիայի երիտասարդական հավաքականի կազմում։ Նրա մեկնարկային հանդիպումը Սլովակիայի ազգային հավաքականի կազմում եղել է 2013 թ. փետրվարի 6-ին, երբ թիմն ընկերական հանդիպում էր անցկացնում Բելգիայի ազգային հավաքականի հետ։ Այդ խաղում Մակը դուրս եկավ փոխարինման՝ փոխարինելով Միրոսլավ Ստոխին։
Ծանոթագրություններ
Արտաքին հղումներ
