Ռոբերտ Բախչաջյան |
|---|
| Ծնվել է | փետրվարի 27, 1957(1957-02-27) (67 տարեկան)
Լենինական, Հայկական ԽՍՀ, ԽՍՀՄ |
|---|
| Բնակության վայր(եր) | Ֆրանսիա |
|---|
| Քաղաքացիություն | ![]() ԽՍՀՄ և  Ֆրանսիա |
|---|
| Մասնագիտություն | քիմիկոս, գրող, հասարակական գործիչ, գիտնական և պատմաբան |
|---|
| Հաստատություն(ներ) | ՀՀ ԳԱԱ, Գիտական հետազոտությունների ազգային կենտրոն և Էքս Մարսել համալսարան |
|---|
| Գործունեության ոլորտ | ֆիզիկական քիմիա[1], Քիմիական կինետիկա[1], oxidation?[1], Կատալիզ[1], հայ[1] և անվանի անձ[1] |
|---|
| Ալմա մատեր | ԵՊՀ դեղագիտության և քիմիայի ֆակուլտետ (1979) |
|---|
| Գիտական աստիճան | քիմիական գիտությունների դոկտոր |
|---|
| Տիրապետում է լեզուներին | հայերեն[1], անգլերեն[1] և ռուսերեն[1] |
|---|
Ռոբերտ Հարությունի Բախչաջյան (փետրվարի 27, 1957(1957-02-27), Լենինական, Հայկական ԽՍՀ, ԽՍՀՄ[2]), հայ քիմիկոս, քիմիական գիտությունների դոկտոր, գրող, հասարակական գործիչ[3][4], «Արարատ» Միջազգային գիտությունների ակադեմիայի անդամ։
Կենսագրություն
Ռոբերտ Բախչաջյանը ծնվել է 1957 թվականին Լենինական քաղաքում։ Երևանի պետական համալսարանի քիմիայի ֆակուլտետը ավարտել է 1979 թվականին[5]։ Զբաղվել է գիտական աշխատանքով Հայաստանի գիտությունների ազգային ակադեմիայի քիմիական ֆիզիկայի ինստիտուտում։
1986 թվականին Խորհրդային Հայաստանում Բախչաջյանը ստացել է գիտությունների թեկնածուի աստիճան։ 1995 թվականին Հայաստանից տեղափոխվել է Ֆրանսիա։ Նրա գիտությունների թեկնածուի աստիճանը Ֆրանսիայում համարժեք է համարվել դոկտորի աստիճանի։ Նույն թվականին Լոնդոնում պաշտպանել է թեկնածուական ատենախոսությունը։ Բախչաջյան գիտական մշակումների արդյունքները կիրառվում են քիմիայի արդյուանաբերության արտերկրի հեղինակավոր ընկերությունների կողմից։ Ռոբերտ Բախչաջյանը գիտական գործունեությունը շարունակել է Ֆրանսիայի գիտական հետազոտությունների ազգային կենտրոնում, Էքս Մարսել համալսարանում։ 2009-2012 թվականներին ղեկավարել է հայ-ֆրանսիական համատեղ գիտական խումբը՝ երկու երկրների միջև գիտական համագործակցության ծրագրի շրջանակում։
Բախչաջյանի «Բիմոդալ օքսիդացում՝ տարասեռ և համասեռ ռեակցիաների զուգորդումը» անգլերեն լեզվով ծավալուն մենագրությունը Բելգիայի Գենտի համալսարանի քիմիական ճարտարագիտության պրոֆեսոր Ժ. Տիբոյի առաջարկությամբ իբրև դասագիրք ներառվել է ուսումնական ծրագրերում՝ ուսանողներին հանձնարարվող գրականության ցանկում[6]։
Ծանոթագրություններ
Արտաքին հղումներ
