Մանվել Բադալյան

Վիքիպեդիայում կան հոդվածներ Բադալյան ազգանունով այլ մարդկանց մասին։

Մանվել Էդիկի Բադալյան
Պետական գործիչ
Դրոշ (1-րդ) ՀՀ Քաղաքացիական ծառայության խորհրդի նախագահ Դրոշ
15 հունվարի 2002 - 2018
Նախորդող	պաշտոնը հիմնադրվել է
Հաջորդող	պաշտոնը լուծարվել է
Կրթություն՝	Հայկական գյուղատնտեսական ինստիտուտ
Գիտական աստիճան՝	Տնտեսագիտության թեկնածու
Մասնագիտություն՝	տնտեսագետ, քաղաքական գործիչ
Դավանանք	Հայ Առաքելական Եկեղեցի
Ծննդյան օր	ապրիլի 1, 1961(1961-04-01)[1] (63 տարեկան)
Ծննդավայր	Ղրղի, Շամշադինի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Պարգևներ	Անանիա Շիրակացու մեդալ Երախտագիտության մեդալ

Մանվել Էդիկի Բադալյան (ապրիլի 1, 1961(1961-04-01)^[1], Ղրղի, Շամշադինի շրջան, Հայկական ԽՍՀ, ԽՍՀՄ), ՀՀ պետական և քաղաքական գործիչ, ՀՀ քաղաքացիական ծառայության խորհրդի նախագահ (2002-2018)։ Մրցակցության պաշտպանության հանձնաժողովի անդամ (2023):

Կենսագրություն

• 1979-1981 թվականներին ծառայել է խորհրդային բանակում։
• 1988 թվականին ավարտել է Հայկական գյուղատնտեսական ինստիտուտի տնտեսագիտական ‎ֆակուլտետը։
• 1988 թվականից աշխատել է Կոտայքի մարզի Արզնիի խորհրդային տնտեսությունում որպես տնտեսագետ։
• 1988-1990 թվականներին եղել է Հայկական գյուղատնտեսական ինստիտուտի կոմերիտական կազմակերպության քարտուղարը։
• 1991 թվականից դասախոսում է Հայաստանի պետական ագրարային համալսարանի «Ագրոբիզնեսի կառավարում» ամբիոնում։
• 2003 թվականից դասավանդում է նաև ՀՀ պետական կառավարման ակադեմիայում։
• 1997-2002 թվականներին եղել է Հայաստանի Երիտասարդության ազգային խորհրդի նախագահ։
• 1998-1999 թվականներին հանդիսացել է ՀՀ Նախագահին առընթեր Քաղաքական խորհրդի անդամ։
• 1999-2002 թվականներին՝ ՀՀ Ազգային ժողովի պատգամավոր, պետական-իրավական հարցերի հանձնաժողովի անդամ։
• 2002 թվականի հունվարի 15-ին ՀՀ Նախագահի հրամանագրով նշանակվել է ՀՀ քաղաքացիական ծառայության խորհրդի նախագահ՝ վեց տարի ժամկետով։
• 2008 թվականի հունվարի 15-ին ՀՀ Նախագահի հրամանագրով վերանշանակվել է ՀՀ քաղաքացիական ծառայության խորհրդի նախագահ՝ վեց տարի ժամկետով։
• 2014 թվականի հունվարի 15-ին ՀՀ Նախագահի հրամանագրով վերանշանակվել է ՀՀ քաղաքացիական ծառայության խորհրդի նախագահ՝ վեց տարի ժամկետով^[2]։

2005-2012 թվականներին եղել է Հայաստանի պետական ագրարային համալսարանի խորհրդի նախագահ, Հայաստանի ազգային ագրարային համալսարանի շրջանավարտների միավորման նախագահն է։

Տնտեսագիտության թեկնածու է, դոցենտ։ Հեղինակ է մի շարք գիտական հոդվածների և աշխատությունների^[3]։

Պարգևներ

• Անանիա Շիրակացու մեդալ, 2005
• «Անդրանիկ Օզանյան» մեդալ, 2007
• Ֆրիտյոֆ Նանսենի ոսկյա հուշամեդալ, 2007
• Երախտագիտության մեդալ, 2014 (ԼՂՀ Նախագահի հրամանագիր)

Ծանոթագրություններ

1. https://pace.coe.int/en/members/4505
2. Մ. ԲԱԴԱԼՅԱՆԻՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ ՆԱԽԱԳԱՀ ՆՇԱՆԱԿԵԼՈՒ ՄԱՍԻՆ
3. «Մանվել Բադալյանի կենսագրությունը ՀՀ քաղաքացիական ծառայության խորհրդի կայքում». Արխիվացված է օրիգինալից 2016 թ․ մարտի 7-ին. Վերցված է 2015 թ․ մարտի 18-ին.