Հայդարան մալիական Ռեալ Բամակոյի ակադեմիայի սան է։ 2016 թվականի հուլիսին նա միացավ Ռեդ Բուլ Զալցբուրգին։ 2016-17 մրցաշրջանը Հայդարան վարձավճարով անցկացրեց Ռեդ Բուլի ֆարմ ակումբ Լիֆերինգում։ Իր պրոֆեսիոնալ դեբյուտը նշեց 2016 թվականի օգոստոսի 5-ին՝ ԼԱՍԿ-ի դեմ խաղում՝ այս խաղում դառնալով գոլի հեղինակ[4]։ Իր առաջին հանդիպումը Ռեդ Բուլ Զալցբուրգի առաջին թիմի կազմում Հայդարան անցկացրեց 2017 թվականի ապրիլի 5-ին՝ Ավստրիայի գավաթիԿապֆենբերգի դեմ խաղում[5]։ Նա փոխարինման մտավ այս հանդիպման լրացուցիչ ժամանակի 104-րդ րոպեին՝ գոլի հեղինակ դառնալով 111-րդ րոպեին և հաղթանակ պարգևելով իր թիմին։ Իր դեբյուտը Ավստրիայի Բունդեսլիգայում նշեց ապրիլի 9-ին՝ Շտուրմ Գրացի դեմ խաղում[6]։ Իր առաջին գոլը Ավստրիայի առաջնությունում խփեց մայիսի 25-ին՝ Աուստրիա Վիեննայի դեմ խաղում[7]։
2017-18 մրցաշրջանում Հայդարան սկսեց շատ խաղաժամանակ ստանալ Ռեդ Բուլ Զալցբուրգի առաջին թիմի կազմում։ Իր առաջին հանդիպումը եվրոպական առաջնություններում անցկացրեց 2017 թվականի հուլիսի 19-ին՝ Չեմպիոնների Լիգայի որակավորման 2-րդ փուլի Հիբերնիանսի դեմ խաղում[8]։ Իր դեբյուտը Եվրոպայի Լիգայում նշեց սեպտեմբերի 14-ին՝ Վիտորիա Գիմարայնշի դեմ խաղում[9]։ 2018 թվականի ապրիլի 12-ին Հայդարան գոլի հեղինակ դարձավ Եվրոպայի Լիգայի քառորդ եզրափակչի Լացիոյի դեմ երկրորդ խաղում[10]՝ օգնելով իր թիմին հաղթել 4-1 հաշվով[11] և երկու խաղերի արդյունքում դուրս գալ կիսաեզրափակիչ[12][13]։ Կիսաեզրափակչի Օլիմպիկ Մարսելի դեմ երկրորդ խաղում նա դարձյալ դարձավ գոլի հեղինակ[14][15], սակայն Մարսելը դուրս եկավ եզրափակիչ լրացուցիչ ժամանակում խփած գոլի շնորհիվ[16][17]։ 2018 թվականի մայիսի 13-ին Հայդարան 3 գոլային փոխանցում տվեց Ռապիդ Վիեննայի դեմ խաղում[18]։ 2017-18 մրցաշրջանում նա անցկացրեց 55 հանդիպում բոլոր մրցաշարերում՝ դառնալով 8 գոլի ու 10 գոլային փոխանցման հեղինակ[19]։ Բացի այդ, Հայդարան Ռեդ Բուլի հետ 4-րդ տարին անընդմեջ հաղթեց Ավստրիայի առաջնությունը[20]` ընդգրկվելով մրցաշարի խորհրդանշական հավաքականում[21][22]։
2018 թվականի հունիսի 4-ին Հայդարան երկարաձգեց իր պայմանագիրը Ռեդ Բուլ Զալցբուրգի հետ մինչև 2022 թվականը[23][24]։
Միջազգային կարիերա
Հայդարան ներկայացրել է Մալին տարբեր տարիքային երիտասարդական հավաքականներում։ Մ17 հավաքականիի կազմում նա մասնակցեց 2015 թվականի աշխարհի առաջնությանը[25]՝ անցկացնելով 7 հանդիպում, դառնալով 2 գոլի հեղինակ[26][27] և օգնելով իր թիմին հասնել մրցաշարի եզրափակիչ[28], որտեղ Մալին 2-0 հաշվով պարտվեց Նիգերիային[29][30]։ 2017 թվականին նա մինչև 20 տարեկանների երիտասարդական հավաքականի կազմում Հայդարան մասնակցեց Աֆրիկայի ազգերի գավաթին[31], սակայն Մալին դուրս մնաց խմբային փուլից[32]։
.jpg)
