Պանարմենիան Մեդիա Գրուպ

Պանարմենիան Մեդիա Գրուպ
Տեսակ	կազմակերպություն, media conglomerate? և մեդիա ընկերություն
Ընկերության տեսակ	Մեդիա խումբ
Հիմնադրված է	հուլիսի 18, 2012 - 2019
Վայր	Երևան
Երկիր	Հայաստան Միացյալ Նահանգներ
Գլխավոր անձինք	Արմեն Արզումանյան (տնօրեն)
Արտադրանք	Մեդիա
Կայք	Panarmenian.tv Pamg.am

«Պանարմենիան Մեդիա Գրուպ»-ը Հայաստանի ամենամեծ մեդիա միավորումն է, որը գործում է 2012 թ–ից։ Մեդիա գրուպի կազմում են Արմենիա և Ա–ԹԻՎԻ հեռուստաընկերությունները ու ռադիոկայանները, ամենաշատ ընթերցվող օնլայն պարբերականները, ինչպես նաև Հայաստանում եզակի ՝ տպագիր գունավոր շաբաթաթերթը։

Պատմություն

Հիմնադրվել է 2012 թ. հուլիսի 18-ին ՝ «CS Media» անվանմամբ։ Այն համախմբում է մի քանի հեռուստաընկերություններ, ռադիոկայաններ և տպագիր մամուլ^[1]։ Պանարմենիան մեդիա գրուպը դադարեցրել^[2] է գործունեությունը Հայաստանում 2019 թվականին։

Ներկայիս դրությամբ Պանարմենիանը մեծապես պատկանում է ամերիկյան «Պանարմ» ընկերությանը, որը շարունակում է Պանարմենիան բրենդի տակ թողարկել հեռուստասերիալներ, սիթքոմներ և տարբեր հաղորդումներ։

Ակտիվներ

Հեռուստաընկերություններ

Պանարմենիան Մեդիա Գրուպ միավորման կազմում էին հետևյալ հեռուստաընկերությունները՝

• Արմենիա Թի-Վի
• Ա-Թի Վի
• Արմնյուզ
• ՊանԱրմենիան Թի-Վի (ԱՄՆ)

Ռադիոկայաններ

Ռադիո Ջան

Ռադիո ջանը երաժշտական ռադիոկայանը հիմնադրվել է 2012 թվականին։ Ռադիոկայանի եթերացանցում են Ջան Առավոտ, Տոնդ շնորհավոր, Լրատվություն, Պրոավտո, Զանի տասնյակը հաղորդումները։ Ռադիոկայանի կարգախոսն է «Ջան ենք ասում, ջան ենք լսում»։ Ռադիոկայանն ունի iOS և Android հավելվածներ, ինչպես նաև օնլայն հեռարձակվում է պաշտոնական կայքի՝ www.radiojan.am-ի միջոցով։

Լավ Ռադիո

Լավ Ռադիոն երաժշտական ռադիոկայանը հիմնադրվել է 2014 թվականին։ Այն իր եթերացանցում ունի այնպիսի հաղորդումներ, ինչպիսին են ԼԱՎ Տասնյակ, Ձեր Պատվերով, ԼԱՎ Լուրեր։ Ռադիոկայանի կարգախոսն է՝ «Լավից լավը՝ չկա»։ Ռադիոկայանն ունի iOS և Android հավելվածներ, ինչպես նաև օնլայն հեռարձակվում է պաշտոնական կայքի՝ www.lavradio.net-ի միջոցով։

Առցանց մեդիա

• Tert. am
• Blognews.am
• Armsport.am

• Պանարմ Փաբլիշինգ հաուս

• TV մոլ շաբաթաթերթ

Պանարմենիան մեդիա դպրոց

Պանարմենիան մեդիա դպրոցը մեդիա միավորման կրթական նախագիծն է։ Այն ինտերակտիվ հարթակ է «նորեկների» և պրոֆեսիոնալների շփման համար։

Պանարմենիան մեդիա դպրոցի տարբերանշանը

Պատրաստվում են մեդիա ոլորտի կադրեր, որոնք հեռուստաշուկա կբերեն թարմ և նոր գաղափարներ։ Թրեյնինգներ, մաստեր-կլասեր, գործնական դասեր են անցկացնոմ հեռուստաշուկայի պահանջված մասնագետները^[3]։

Ուսման տևողությունը 6 ամիս է։ Ուսումնառության հետևյալ մասնագիտություններով՝

• Հաղորդավարական աշխատանք
• Մոնտաժի արվեստ
• Օպերատորություն
• Ռեժիսուրա
• Լրագրություն
• Պրոդյուսերական գործ
• Սպորտային մեկնաբան

Արտաքին հղումներ

• Պանարմենիան մեդիա գրուպի կայքը Արխիվացված 2017-02-27 Wayback Machine
• Պանարմենիան մեդիա գրուպի ֆեյսբուքյան էջը
• Մենք Արցախում ենք, մենք` Արցախն ենք. Պանարմենիան Մեդիա Գրուպ

Ծանոթագրություններ

1. «Tert.am-ն ու Blognews.am-ը արդեն «Պանարմենիան մեդիա գրուպ»-ում են». media.am. 2015 թ․ մարտի 6. Արխիվացված է օրիգինալից 2015 թ․ մարտի 26-ին. Վերցված է 2017 թ․ հունվարի 12-ին.
2. ««Պանարմենիան Մեդիա Գրուպը» հայտարարում է որպես մեդիա միավորում գործունեությունը դադարեցնելու մասին». www.tert.am. Արխիվացված է օրիգինալից 2024 թ․ հունվարի 12-ին. Վերցված է 2024 թ․ հունվարի 12-ին.
3. «Երազանքը կարող է ավելի քան մոտ լինել. Պանարմենիան մեդիա դպրոցն առաջարկում է ուսման այլ տարբերակ». www.tert.am. Արխիվացված է օրիգինալից 2022 թ․ փետրվարի 11-ին. Վերցված է 2017 թ․ հունվարի 12-ին.