Թոմաս Սանգստեր

Թոմաս Սանգստեր անգլ.՝ Thomas Brodie-Sangster
Ծնվել է	մայիսի 16, 1990(1990-05-16)[1][2] (34 տարեկան)
Ծննդավայր	Սաութուրք
Կրթություն	Pimlico Academy?
Քաղաքացիություն	Միացյալ Թագավորություն
Մասնագիտություն	դերասան, բաս կիթառահար
Ակտիվ շրջան	2001 ― ներկա
Ժանրեր	դրամա, պատմական ֆիլմ
Ծնողներ	մայր՝ Tasha Bertram?
Երեխա(ներ)	Monte Carlo Film Fest. «Best Actor in mini-series» 2003 Entrusted
Պարգևներ և մրցանակներ	Monaco Music Film Festival? և Երիտասարդության ընտրություն պարգև
Թոմաս Սանգստեր՝ Վիքիպահեստ

Թոմաս Սանգստեր (անգլ.՝ Thomas Brodie Sangster, մայիսի 16, 1990(1990-05-16)^[1][2], Սաութուրք), բրիտանացի դերասան, հայտնի է «Իրական սեր», «Իմ սարսափելի դայակը», «Վերջին լեգեոնը», «Դառնալ Ջոն Լենոն» (2010) և «Լաբիրինթոսում վազողը» (2014) ֆիլմերում խաղացած դերերով։

Կենսագրություն

Թոմաս Սանգստերը ծնվել է 1990 թվականին Լոնդոնի հարավային ծայրամասում, որտեղ և հիմա ապրում է քրոջ և ծնողների՝ Թաշա և Մարկ Սանգստերների հետ^[3]։ Մայրը դերասան է, նկարահանվել է BBC-ի մի քանի ֆիլմերում այն ժամանակ, երբ հայրը՝ երաժիշտ լինելով նկարահանվել է The Lion King մյուզիքլում^[3]։ Նա նաև Հյու Գրանտի հեռավոր զարմիկն է․ նրա մեծ տատ Բարբարա Բերտրամը^[4] և Գրանտի տատը քույրեր էին^[3]։ Թոմասը հետաքրքրվում է նկարչությամբ, թենիսով և սկեյթբորդինգով։

Կարիերա

Թոմասի առաջին դերը խաղացել է BBC-ի «The Adventures of Station Jim» հեռուստատեսային ֆիլմում։ Ավելի ուշ խաղացել է մի շարք հեռուստատեսային ֆիլմերում, ինչպիսիք են «Բոբիի ընկերուհուն» (գլխավոր դեր), «Բացիկներ հրաշքի համար» (Քլեյգ Շերոլդի պատմության հիման վրա) և «Stig of the Dump» ֆիլմերը։

Թոմասը 2003 թվականի Մոնտեկառլոյի կինոփառատոնին ստացել է «Best Actor in a mini-series» մրցանակ՝ «Երաշխավորը» ֆիլմում խաղացած դերի համար։ Խաղացել է նաև BBC-ի 2004 թվականի «Փետրավոր տղան» մինի-հեռուստասերիալում։

«Իրական սերը» ֆիլմում խաղացած Լիամ Նիսոնի խորթ որդու կերպարը մեծ կինոյի նրա առաջին դերն էր։ Այս դերի համար նա հոր հետ թմբուկի վրա նվագել է սովորել։ Թոմասը առաջադրվել է «Golden Satellite Award», «Phoenix Film Critics Society Awards» և «Young Artist Award» մրցանակաբաշխություններին այս դերի համար։

Փոքր-ինչ ուշ Սանգստերը հայտնվեց Feather Boy նովելի ադապտացիայում, ինչպես նաև «Տրիստիան և Իզոլդա» ֆիլմում խաղաց երիտասարդ Տրիստիանի դերը։ 2005 թվականին Թոմասը նկարահանվեց «Իմ սարսափելի դայակը» կոմերցիոն հաջողված ֆիլմում^[3]։ Հաջորդ տարի ստացավ «British Teen Choice Award» մրցանակը^[5]։

2007 թվականին Թոմասը հայտնվեց «Բժիշկ Ով» սերիալի երրորդ եթերաշրջանի երկու դրվագում («Նարդկային բնություն» և «Արյան ընտանիք»)^[6]։ Նույն տարում նա հնչյունավորել է Ուոլթ Դիսնեյի «Ֆինեսը և Ֆերբը» մուլտսերիալի Ֆերբ Ֆլետչերին և նկարահանվել է «Վերջին Լեգեոնը» ֆիլմում։ 2008 թվականին Բոբ Հոսկինսի հետ մասնակցել է «Պինոկիո» ֆիլմի նկարահանումներին։ Մոտավորապես այդ ժամանակ էլ Սթիվեն Սփիլբերգը Թոմասին ընտրեց «Տինտին»-ի դերի համար, սակայն ֆիլմի հետաձգման պատճառով Սանգստերը չկարողացավ մասնակցել նկարահանումներին^[7]։

2009 թվականին նա մասնակցեց «Պայծառ Աստղ» ֆիլմի նկարահանումներին։ Ֆիլմը հիմքում ընկած էր բանաստեղծ Ջոն Քիստի և իր սիրելիի հարաբերությունները^[8]։ Այնուհետև Թոմասին հաստատեցին գեղարվեստական կենսագրական «Դառնալ Ջոն Լենոն» դրամայում երիտասարդ Փոլ Մաքքարթնիի դերի համար։ Այս դերի համար նա ստիպված էր գրեթե նորից սովորել կիթառի վրա նվագել, որովհետև Սանգստերը ձախլիկ է, իսկ Մաքարթնին աջլիկ էր։ Ֆիլմը էկրան բարձրացավ 2010 թվականին^[9]։

Brodie Films և Winnet music

2006 թվականին Թոմասը և նրա մայրը՝ Թաշա Բերտրամը ստեղծեցին «Brodie Films» ընկերությունը, որի նպատակը նոր բրիտանացի տաղանդավոր սցենարիստների, դերասանների և ռեժիսորների համար կինոարտադրության մեջ հնարավորությունների ստեղծումն է։

Մենք ցանկանում ենք արտադրել կյանքի հետաքրքրական ոլորտների վրա կենտրոնացող բրիտանական ֆիլմեր, որոնք հեռուստադիտողների վրա թողնում են երկարատև տպավորություն։ Մեր առաջին 20-րոպեանոց «A Hat for the Camel» ֆիլմը ցուցադրում է դա[10]։

2010 թվականի հունվարին Թոմասը սկսեց նվագել «Winnet» խմբում։ Հատկանշանական է, որ այս խմբի վոկալիստը նրա մայրն է^[11]։

Ֆիլմագրություն

Տարի	Անվանում	Դեր	Նշումներ
2001	Ջիմ կայարանի արկածները	Հենրի	Հեռուստաֆիլմ
	Բացիկներ հրաշքի համար	Քրեյգ Շերոլդ	Հեռուստաֆիլմ
2002	Բոբիի ընկերուհին	Ալան	Հեռուստաֆիլմ
	Տիկին Մայթլմայեր	տղա	Հեռուստաֆիլմ
	Ստիգը Դամփից	Բարնի	Մինի-սերիալ
	Լոնդոնն այրվում է[12]	Սթիվեն	Հեռուստասերիալ 14-րդ եթերաշրջան, 6-րդ դրվագ
2003	Իրական սեր	Սեմ	Առաջին ֆիլմը Էմմա Թոմսփսոնի, Քոլին Ֆերթի և Օլիվիա Օլսոնի հետ
	Երաշխավորը	Թոմաս վոն Գալ	Այս դերի համար Թոմասը սովորել է դաշնամուր նվագել։
	Հիտլեր․ Սատանայի համբառնումը	երիտասարդ Հիտլեր	Հեռուստաֆիլմ
	Վերջնական ուժ	Գեբրիել	Սերիալ, «What in the name of God» դրվագ
2004	Փետրավոր տղան	Ռոբերտ Նոբել	Մինի-հեռուստասերիալ
2005	Ջուլիան Ֆիլովի ուսումնասիրոթյունները․ Մի խորհրդավոր սպանություն	Ջոն Դաֆ	Հեռուստասերիալ, «The Case Of The Croydon Poisonings» դրվագ
	Իմ սարսափելի դայակը	Սայմոն Բրաուն	Երկրորդ ֆիլմը Էմմա Թոմփսոնի և Քոլին Ֆերթի հետ համատեղ
2006	Տրիստիան և Իզոլդա	երիտասարդ Տրիստան
2007	Վերջին Լեգեոն	Ռոմուլ Օգոստոս	Երկրորդ դերը պատմական ֆիլմում, երրորդ ֆիլմը Քոլին Ֆերթի հետ
	Բժիշկ Ով	Թիմ Լատմեր	Human Nature և The Family of Blood դրվագներ
2008	Ֆինես և Ֆերբ	Ֆերբ Ֆլետչերի կերպարի ձայն	Մուլտսերիալ, Բոլոր դրվագները, երկրորդ անգամ է աշխատում Օլիվիա Օլսոնի հետ
	Պինոկիո	Ֆիտիլ	Հեռուստասերիալ
2009	Պայծառ Աստղ	Սեմուել Բրևն	Շնորհանդեսը եղել է 2009 թվականին Կաննի կինոփառատոնին[13]
2010	Դառնալ Ջոն Լենոն	երիտասարդ Փոլ Մաքքարթնի[9]
	Որոշ շներ կծում են[14]	Քազի	Հեռուստաֆիլմ
2011	Սուպերհերոսի մահը	Դոնալդ
	Թաքստոց	Լիամ	Հեռուստաֆիլմ
	Ալբատրոս	Մարկ	Հեռուստաֆիլմ
2012	Բեյթաունը օրենքից դուրս	Ռոբ
2013	Գահերի խաղը	Ժոյեն Ռիդ	Հեռուստաֆիլմ
2014	Լաբիրինթոսում վազողը	Նյուտ
2015	Լաբիրինթոսում վազողը․ Փորձություն կրակի հետ	Նյուտ

Ռադիոպիեսներ

Տարի	Անվանում	Դեր
2007	Country Life/Գյուղական կյանք	Բորիս
	Doctor Who։The Mind’s Eye	Քայլ
2008	Doctor Who։The Bride of Peladon	Շախտյոր

Մրցանակներ և առաջադրումներ

Տարի	Ներկայացված աշխատանք	Կոտեգորիա	Արդյունք
2003	Երաշխավորը[15]	Մոնտեկառլոյի կինոփառատոն․ լավագույն դերասան մինի-սերիալում	Հաղթանակ
2004	Իրական սեր	Phoenix Film Critics Society Awards․ Լավագույն երիտասարդ առաջնային կամ երկրորդական դերով․ արական	Առաջադրված
		Phoenix Film Critics Society Awards․ «Իրական սեր» ֆիլմի լավագույն համույթ	Առաջադրված
		Satellite Awards․ Երկրորդ պլանի լավագույն դերասան, կատակերգություն կամ երաժշտական ֆիլմ	Առաջադրված
		Երիտասարդ արտիստ մրցանակ	Առաջադրված
2007	Իմ սարսափելի դայակը	Երիտասարդ արտիստ մրցանակ	Առաջադրված
		Երիտասարդ արտիստ մրցանակ	Առաջադրված
2008	Վերջին Լեգեոնը	Երիտասարդ արտիստ մրցանակ	Առաջադրված

Ծանոթագրություններ

1. filmportal.de — 2005.
2. GeneaStar
3. «I'm little Caesar, actually». Daily Mail. հոկտեմբերի 5 2007.
4. «Barbara Bertram». The Times. փետրվարի 2 2004.(չաշխատող հղում)
5. Интервью для передачи «Истории в Деталях»
6. «Series Three Update». Outpost Gallifrey. դեկտեմբերի 29 2006. Արխիվացված է օրիգինալից 2007 թ․ դեկտեմբերի 6-ին.
7. Anne Thompson (2008 թ․ հոկտեմբերի 31). «Sony/Paramount financing 'Tintin'». Variety.
8. Bright star на IMDb.com
9. «When it comes to the young Beatles, all you need is Thomas». Daily Mail. փետրվարի 13 2009.
10. Brodie Films: independent production company, London, UK
11. ««Winnet has recently been joined by Thomas Sangster on Bass and Leo Ferdorcio on Drums»». Արխիվացված է օրիգինալից 2012 թ․ հունվարի 4-ին. Վերցված է 2015 թ․ մարտի 13-ին.
12. www.thomassangster.org
13. «Яркая звезда» в конкурсе 62 Каннского фестиваля
14. Some Dogs Bite (2010)
15. biosstars.com. «Biosstars Database – The 43rd Annual Monte Carlo Television Festival». Biosstars.com. Արխիվացված է օրիգինալից 2012 թ․ փետրվարի 20-ին. Վերցված է 2012 թ․ հունվարի 24-ին.

Արտաքին հղումներ

Թոմաս Սանգստեր էջը Վիքիպահեստում

• Թոմաս Սանգստեր Curtis Brown Literary and Talent Agency կայքում
• Brodie Films
• Թոմաս Սանգստեր

Վիքիպահեստն ունի նյութեր, որոնք վերաբերում են «Թոմաս Սանգստեր» հոդվածին։