Splósk

Splósk
Pielitz

Połoženje Splóska na karće Hornjeje Łužicy DEC
gmejna:	Kubšicy
zagmejnowanje:	1936 (do Rachlowa)
wobydlerstwo:	63 (31. decembra 2021)[1]
přestrjeń:	3,34 km²
wysokosć:	330–345 metrow n.m.hł.
51.13666666666714.488888888889330–345 Koordinaty: 51° 8′ 12″ S, 14° 29′ 20″ W
póstowe čisło:	02627
předwólba:	03591
wotwodźene słowa:	wobydler/ka: Splóšćan/-ka adjektiw: Splóšćanski skłonowanje: Splóska, Splóskej, Splósk, Splóskom, w Splósku
Něhdyši knježi dom w Splósku Něhdyši knježi dom w Splósku
wikidata: Splósk (Q10776793)

Splósk (němsce Pielitz) je wjeska z 63 wobydlerjemi^[2] we wuchodźe hornjołužiskeho wokrjesa Budyšin, kotraž słuša ke Kubšiskej gmejnje. Hač do lěta 1936 běše samostatna gmejna z wjesnym dźělom Chójnica, po tym najprjedy wjesny dźěl Rachlowa a wot 1974 Kubšic.

Geografija

Splósk z Čornobohom w pozadku

Wjes leži mjez 330 a 345 m nad mórskej hładźinu pod Hromadnikom a Žmórcom w dólčku Hornjołužiskeje pahórčiny. Susodne wjeski su Wysoka w sewjerowuchodźe, Delany we wuchodźe, Chójnica w juhu a Lubjenc (Budestečanska gmejna) w sewjerozapadźe.

W Splósku wužórli so Splóšćanska woda, kotraž ćeče do wuchodneho směra do Delan a potom dale do Rachlowskeho spjatnišća a přez Rachlow, prjedy hač so pola Sowrjec do Wuježčanskeje wody wuliwa.

Splósk leži při statnej dróze S 110 (Bělšecy–Bukecy), wot kotrejež wotbočuje we wsy wokrjesna dróha K 7239 do Kumwałda.

Ležownostne mjena

Michał Rostok naliči 1887 slědowace serbske ležownostne mjena: Lada, Dołki, Prašica, Złota hora, Humjenišćo, Wowča hora, Pola wowčernje, Mokřiny, Boža rola.^[3]

Stawizny

Prěnje historiske naspomnjenje jako Puls je z lěta 1363^[4], na horje njedaloko wsy so pak wo wjele starše hrodźišćo namaka. Ležownostne knjejstwo wukonješe přez lětstotki ryćerkubło we wsy samej. Splósk słuša wot spočatka 17. lětstotkak Budestečanskej wosadźe.

W lěće 1884 měješe wjes po Mukowej statistice zhromadnje z Chójnicu 172 wobydlerjow, z nich 137 Serbow (80 %).^[5]

Powětrowy wobraz Splóska (2019)

Žórła

1. staw: 31. decembra 2021; Podaća gmejnskeho zarjada Kubšicy
2. staw: 31. decembra 2021; Podaća gmejnskeho zarjada Kubšicy
3. Michał Rostok: Ležownostne mjena. W: ČMS 40 (1887), str. 3–50, tu str. 6 (digitalizat).
4. Splósk w Digitalnym stawizniskim zapisu městnow Sakskeje (němsce)
5. Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 58. → wšě wjeski

Wotkaz

 Commons: Splósk – Zběrka wobrazow, widejow a awdiodatajow

Wjesne dźěle Kubšic

Bošecy | Brězow | Cyžecy | Delany | Hruboćicy z Jaseńcu | Chójnica | Jenkecy | Konjecy | Krakecy | Kumšicy | Lětoń | Nowe Poršicy | Poršicy | Rabocy | Rachlow | Sokolca | Sowrjecy | Splósk | Šekecy | Torońca | Wadecy | Wysoka | Zrěšin