PROFILBARU.COM

Mecklenburgsko-Předpomorska
Wopon	Chorhoj
	hesło: MV tut gut.
Zakładne daty
stolica	Zwěrin
přestrjeń	23.174,17 km²
wobydlerstwo	1.629.464 (31. dec 2023)
hustosć wobydlerstwa	70 wob. na km²
oficialne websydło	mecklenburg-vorpommern.eu
Politika
ministerska prezidentka	Manuela Schwesig (SPD)
knježacej stronje	SPD a Lěwica
strony w parlamenće; (79 sydłow)	SPD 34; AfD 14; CDU 12; Lěwica 9; FDP 5; Z90/Zeleni 5
poslednje wólby	26. septembra 2021
přichodne wólby	nazyma 2026
Zastupjerjo w; Zwjazkowej radźe	3
	karta
	Karta

53.3712.42

Koordinaty: 53° 22′ S, 12° 25′ W

Mecklenburgsko-Předpomorska (němsce Mecklenburg-Vorpommern, delnjoněmsce Mekelnborg-Vörpommern) je zwjazkowy kraj z něhdźe 1,6 milionami wobydlerjow, kotryž leži při Baltiskim morju na sewjerowuchodźe Němskeje. Jeho hłowne město je Zwěrin.

Geografija

W Mecklenburgsko-Předpomorskej ležitej z Moricu a Rujanami najwjetši jězor a najwjetša kupa Němskeje.

Přez Mecklenburgsko-Předpomorsku běži wulka rěka Łobjo, ale tež mjeńše rěki kaž Elde, Habola, Warnow a Peene. Elde a Habola do Łobja běžitej a z njej do Sewjerneho morja, mjeztym zo so Warnow a Peene do Baltiskeho morja wuliwatej.

Města

Najwjetše města Mecklenburgsko-Předpomorskeje su:

město	wobydlerstwo (2023)^[1]
Roztok	210.795
Zwěrin	98.733
Neubrandenburg	64.390
Greifswald	60.071
Stralsund	59.450
Wismar	44.022
Güstrow	29.582
Waren (Müritz)	21.217
Neustrelitz	20.385

Stawizny

Mecklenburgsko-Předpomorska so w lěće 1990 znowa załoži. Kraj wobsteješe hižo raz mjez 1945 a 1952 a bu potom kaž wšě kraje na wuchodźe Němskeje rozpušćeny. Na teritoriju kraja nastachu wobwody Roztok, Zwěrin a Neubrandenburg.

Wot lěta 1945 běži němsko-pólska hranica přez wuchodny dźěl Předpomorskeje.

Mjeno

Dźěl mjena Mecklenburg wobsahuje dźěl słowa "Mecklen-" wot staronižoněmskeho słowa mikil ("wulki"), a dźěl słowa "Burg" z woznamom „hród“. Dźěl mjena Předpomorska wobsahuje słowjanske słowa po- a morjo, dokelž tutón zwjazkowy kraj při Baltiskim morju leži.

Mjena sydlišćow

W Mecklenburgsko-Předpomorskej je wjele městnych mjenow, kotrež ze zapadosłowjanskeje rěče pochadźeja. Tuta słowjanska rěč so hižo njerěči, bě pak přiwuzna z kašubšćinu, pólšćinu, ale tež ze serbšćinu, čěšćinu a słowakšćinu. Wona słuša k lechiskej skupinje zapadosłowjanskich rěčow. Su pak tež městnostne mjena němskeho pochada.

Sydlišćo	Pochad^[2]^[3]^[4]	Podobne słowa w hornjoserbšćinje
Diemitz	Dymec	dym
Klevenow, Glewitz, Klebe atd.	chlěv	chlěw
Mirow	Mirov	měr
Rostock	ros-, tok	roz-,
Peetsch	Piaske	pěsk
Schwerin		zwěrjo
Strelitz (dźensniši dźeń: Neustrelitz)	strelci	třelić, třeleć

Žórła

↑ Statistiski krajny zarjad Mecklenburgsko-Předpomorskeje – wuwiće ludnosće wokrjesow a gmejnow 2023 (xls-dataja)
↑ Die Slawen in Deuschland, Akademie-Verlag Berlin 1985
↑ Erwin Schulz: Ortsnamen in Mecklenburg-Strelitz, Greifswald 2004, ISBN 3-86006-218-2
↑ Bernd Hahn: Mirower Geschichte(n), strona 15

Mecklenburgsko-Předpomorska

Wokrjesy w Mecklenburgsko-Předpomorskej a jich stolicy

Wokrjes Ludwigslust-Parchim (Parchim) \| Wokrjes Mecklenburgska jězorina (Neubrandenburg) \| Wokrjes Předpomorska-Greifswald (Greifswald) \| Wokrjes Předpomorska-Rujany (Stralsund) \| Wokrjes Roztok (Güstrow) \| Wokrjes Sewjerozapadna Mecklenburgska (Wismar)
Bjezwokrjesnej měsće
město Roztok \| město Zwěrin \|

Zwjazkowe kraje w Němskej

Badensko-Württembergska • Bayerska • Berlin • Braniborska • Bremen • Delnja Sakska • Durinska • Hamburg • Hessenska • Mecklenburgsko-Předpomorska • Porynsko-Pfalca • Posaarska • Sakska • Saksko-Anhaltska • Schleswigsko-Holsteinska • Sewjerorynsko-Westfalska

[1] Statistiski krajny zarjad Mecklenburgsko-Předpomorskeje – wuwiće ludnosće wokrjesow a gmejnow 2023 (xls-dataja)

[2] Die Slawen in Deuschland, Akademie-Verlag Berlin 1985

[3] Erwin Schulz: Ortsnamen in Mecklenburg-Strelitz, Greifswald 2004, ISBN 3-86006-218-2

[4] Bernd Hahn: Mirower Geschichte(n), strona 15

[1]

[2]

[3]

[4]