Para o artigo sobre a parroquia véxase Xuño, Porto do Son
![]()
Xuño ilustrado no libro de horas Les Très Riches Heures du Duc de Berry, manuscrito do secúlo XV.
Xuño ou san Xoán[1] é o sexto mes do ano no calendario gregoriano e ten 30 días. O 21 de xuño ten lugar o solsticio de inverno no hemisferio sur e o solsticio de verán no hemisferio norte.
Xuño na cultura popular galega
- No primeiro domingo, faise a festa-concurso da Cereixa en Beade (Vigo).
- 13 de xuño: santo Antón de Lisboa, avogado das mozas casadeiras e dos obxectos perdidos.
- Meu san Antonio casamenteiro, rógoche un mozo garrido e solteiro.
- San Antoíño bendito, dádeme un home, anque me mate, anque me esfole.
Refraneiro
- A auga por san Xoán tolle o viño e non dá pan.
- De san Xoán prás Navidás, os días van pra atrás.
- En abril, o salmón para min, no maio para o criado, e no san Xoán para o can.
- En san Xoán, tanto queixo coma pan.
- En san Xoán, tanto viño coma pan.
- O que xexúa en san Xoán, ou é parvo ou non ten pan.
- Tras de maio, vén san Xoán.
Notas
- ↑ "San Xoán". Real Academia Galega. Consultado o 31 de outubro de 2016.
