Xosé Pena Pena

Xosé Pena Pena

Biografía
Nacemento	19 de outubro de 1902 valor descoñecido
Morte	valor descoñecido valor descoñecido
Educación	Universidade de Santiago de Compostela
Actividade
Ocupación	profesor de ensino secundario
Membro de	Seminario de Estudos Galegos

Xosé Pena Pena, nado o 19 de outubro de 1902, foi un profesor e escritor galego.

Traxectoria

Mestre nacional e licenciado en Historia pola Universidade de Santiago de Compostela. Foi socio fundador e numerario do Seminario de Estudos Galegos, realizou o seu ingreso o 9 de febreiro de 1924 co traballo "A ponte de Vidán", que foi publicado o ano seguinte na revista Nós.^[1] Alistado no Rexemento de Infantaría de Zaragoza número 12, foi ascendido sarxento en outubro de 1924,^[2] e a suboficial en abril de 1925.^[3]Foi elixido secretario do Colexio oficial de doutores e licenciados en Ciencias e Letras do distrito universitario de Santiago de Compostela, en xaneiro de 1927.^[4]

Foi profesor axudante da Universidade de Santiago de Compostela, profesor do Instituto de Ribadeo e catedrático de Xeografía e Historia do Instituto de Elx.^[5] Coa derrota da República foi depurado, sendo suspendido de emprego e soldo por un ano, con traslado forzoso fóra da provincia, prohibición de solicitar cargos vacantes durante cinco anos e inhabilitación para o exercicio de cargos directivos e de confianza en institucións culturais e de ensinanza.^[6]

Notas

1. El Compostelano, 27-11-1925, p. 2.
2. El Ideal Gallego, 3-10-1924, p. 3.
3. El Compostelano, 21-4-1925, p. 2.
4. La Voz de Galicia, 25-1-1927, p. 2.
5. El Pueblo Gallego, 19-4-1935, p. 6.
6. BOE, 11-2-1941, p. 980.