Xoán XI Pedro al-Hilu (en árabe: يوحنا بطرس الحلو, Yuwhana Butrus al-Hilu), nado en Rusta (Líbano) e finado no mosteiro de Qanubin no val de Qadixa o 12 de maio de 1823, foi o 67º Patriarca de Antioquía e de todo Levante dende o 8 de xuño de 1809 até o seu pasamento, e polo tanto cabeza da Igrexa Católica Maronita.
Traxectoria
Naceu en Rusta. Como patriarca, restaurou a sé de Qanubin, abandonada dende os tempos do patriarca Xacobe IV, onde viviu a partir de 1811.[1] Recuperou moitas propiedades da Igrexa que lle foran arrebatadas.[1] Tamén converteu os mosteiros de Kfar Hai e de Qulaiat en colexios patriarcais en 1812 e 1817, respectivamente.[1] En 1818 convocou un concilio xeral maronita. Finou no cargo o 12 de maio de 1823 no mosteiro de Qanubin.[1]
Notas
- ↑ 1,0 1,1 1,2 1,3 Daou, Butros (1984). Religious, cultural and political history of the Maronites. Líbano. p. 724.
