O Villalonga Club de Fútbol é o equipo de fútbol da parroquia de Vilalonga, no concello de Sanxenxo, e un dos tres grandes equipos dese concello a canda o Portonovo SD e o Xuventú de Sanxenxo.
Fundado en 1947, actualmente xoga na Terceira División. O seu campo de fútbol é o San Pedro, con capacidade para 2.000 espectadores.
Nas últimas décadas xogou case sempre na Terceira División, con descensos ocasionais a Rexional Preferente Sur. En concreto, estivo en Terceira as tempadas entre 1988-2000 e desde 2004. A súa mellor posición foi a terceira praza da tempada 1989–90. Xogou a promoción de ascenso á Segunda B na campaña 1992–93 contra Club Deportivo Laguna, Langreo e Fuenlabrada[1], e na 2006–07 contra o Sociedad Deportiva Noja, co que caeu derrotado en primeira rolda (0–0 e 1–0).[2]