USERS, acrónimo de Unmanned Space Experiment Recovery System, foi un satélite artificial xaponés lanzado nun foguete H-IIA desde o Centro de Lanzamento de Tanegashima o 10 de setembro de 2002.[2][3][5][6]
USERS constaba dun módulo de servizo (SEM) e un módulo de retorno (REM) que contiña os experimentos para microgravedade que tiñan que volver á Terra. O SEM proporcionaba alimentación eléctrica (ata 700 W) e comunicacións ao REM, que á súa vez constaba dun vehículo de reentrada (REV), cos experimentos, e un módulo de propulsión (PM). USERS permaneceu en órbita 8,5 meses ata a separación e reentrada do REM e a recuperación de REV en terra en maio de 2003. O SEM permaneceu en órbita ata o 15 de xuño de 2007.[3][5][6]