Trastornos do ritmo cardíaco

Arritmia
Clasificación e recursos externos
Ritmo sinusal do corazón, alterado nas arritmias.
ICD-10	I47 I49
ICD-9	427.0
MedlinePlus	001101
MeSH	D001145
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Un trastorno do ritmo cardíaco ou arritmia cardíaca é unha alteración na sucesión de latexos cardíacos.^[1] Pódese deber a cambios na frecuencia cardíaca, tanto porque acelere (taquicardia coma porque mingüe bradicardia. Considérase tamén arritmia cando o ritmo do corazón é irregular, trastorno que pode ser producido por unha alteración do marcapasos fisiolóxico do corazón (nó sinusal) ou do sistema de condución cardíaco, ou por aparición de marcapasos ectópicos (focos do corazón que exercen a función do nó sinusal de xeito patolóxico).

As bradiarritmias ou trastornos lentos do ritmo cardíaco, resultan da produción inaxeitada de impulsos que proveñen do nó sinusal ou dun bloqueo da propagación do impulso, e poden causar hipotensión e até a perda da conciencia.

As taquiarritmias ou trastornos acelerados do ritmo cardíaco, poden ser de orixe auricular ou ventricular, sendo estas últimas máis perigosas podendo máis a miúdo producir colapso ou mesmo a morte.

Os trastornos do ritmo cardíaco atópanse entre as 20 primeiras causas de discapacidade na poboación anciá.^[2]

Clasificación

A meirande parte dos trastornos do ritmo cardíaco categorízanse en cinco grupos:

1. Arritmias sinusais
   1. Bradicardia sinusal
   2. Taquicardia sinusal
   3. Arritmia sinusal
   4. Síndrome do nó doente
   5. Paro sinusal.
   6. Bloqueo sino-auricular.
2. Arritmias supraventriculares
   1. Fibrilación auricular
   2. Flutter
   3. Taquicardia auricular paroxística
3. Ritmos de unión auriculoventricular (AV)
   1. Taquicardia da unión
   2. Ritmo acelerado da unión
   3. Bloqueo auriculoventricular
4. Contraccións prematuras ou latexos cardíacos ectópicos
   1. Contracción auricular prematura
   2. Contracción prematura da unión
   3. Contracción ventricular prematura
5. Arritmias ventriculares sostidas
   1. Taquicardia ventricular
   2. Fibrilación ventricular

Notas

1. Medline Plus (ed.). "Arritmias". Consultado o 2 de febreiro de 2014. 
2. Ministerio de Salud. Gobierno de Chile. (ed.). "Trastornos de xeración do impulso cardíaco e condución." (PDF). Consultado o 2 de febreiro de 2014. 

Véxase tamén

Outros artigos

• Taquicardia
• Bradicardia
• Sistema de condución cardíaco
• Cardioversión

Ligazóns externas

• Cardiac arrhythmia artigo na Scholarpedia (en inglés)