Tomás Regueiro Cacheiro, nado en Abegondo o 19 de marzo de 1943[1], é un político galego.
Encabezou a candidatura do CDS no concello de Abegondo nas eleccións municipais de 1987 e 1991 e foi elixido concelleiro, con 2 e 1 representantes respectivamente. En xuño de 1991 apoiou xunto co PP e a CNG a investidura como alcalde de José Antonio Santiso Miramontes, único concelleiro da UMI.
En xuño de 1992, Tomás Regueiro pasa a ser alcalde[2], tras prosperar unha moción de censura[3] contra José Antonio Santiso co apoio dos concelleiros do PSdeG-PSOE
Permaneceu no posto até xaneiro de 1995, cando deixou a alcaldía ao non superar unha moción de censura presentada na súa contra polo anterior alcalde José Antonio Santiso[3], apoiada por un concelleiro socialista díscolo[4]. Volveu encabezala candidatura do CDS nas municipais dese mesmo ano logrando de novo 1 concelleiro, nesta ocasión fronte a unha amplísima maioría absoluta de Santiso Miramontes á fronte do PPdeG, permanecendo por tanto na oposición e retirándose da primeira liña política ao final do mandato.
En 2007 foi elixido Xuíz de Paz do concello[5], e posteriormente foi presidente do club de fútbol San Tirso Sociedad Deportiva[1].