Tabaré Vázquez

Tabaré Vázquez

(2007)
Biografía
Nacemento	(es) Tabaré Ramón Vázquez Rosas 17 de xaneiro de 1940 Montevideo, Uruguai
Morte	6 de decembro de 2020 (80 anos) Montevideo, Uruguai
Causa da morte	cancro de pulmón
Lugar de sepultura	Cementerio buceo ^(en)
Presidente temporal de Unasur
1 de marzo de 2015 – 23 de abril de 2016 ← José Alberto Mujica – Nicolás Maduro →
41º Presidente do Uruguai
1 de marzo de 2015 – 1 de marzo de 2020 ← José Alberto Mujica – Luis Alberto Lacalle Pou →
Presidente temporal de Unasur
4 de decembro de 2014 – sen valor ← Desi Bouterse – Supresión do cargo →
39º Presidente do Uruguai
1 de marzo de 2005 – 1 de marzo de 2010 ← Jorge Batlle Ibáñez – José Alberto Mujica →
Intendant of Montevideo ^(en)
5 de maio de 1990 – 5 de maio de 1994
Datos persoais
Residencia	Montevideo
Educación	Universidade da República
Actividade
Ocupación	político, catedrático, médico, oncólogo
Empregador	Universidade da República
Partido político	Socialist Party of Uruguay ^(en) Fronte Ampla
Participou en
10 de decembro de 2019	tomada de posse de Alberto Fernández ^(pt)
Familia
Cónxuxe	María Auxiliadora Delgado
Premios
(2014)  doutor honoris causa pola Universidade de Salamanca (18 de maio de 2011)  Medal of Military Merit ^(en)  Order of Omar Torrijos Herrera ^(en)  Order of Merit (Qatar) ^(en)  Orde Nacional de San Lourenzo
Sinatura
Descrito pola fonte	Tabaré Vázquez, Former President of Uruguay, Dies at 80 ^(en)

Tabaré Ramón Vázquez Rosas, nado en Montevideo o 17 de xaneiro de 1940 e finado na mesma cidade o 6 de decembro de 2020,^[1] foi un político uruguaio, presidente do seu país desde o 1 de marzo de 2005 ata o 1 de marzo de 2010 e de novo dende marzo de 2015 ata 2020. Pertencía á Fronte Ampla.

Orixe

Tabaré Vázquez tiña ascendencia galega, xa que o seu avó era orixinario de Ourense, e a súa avoa era oriúnda de Santiago de Compostela, emigrando ámbolos dous posteriormente ao Uruguai.^[2]

Estivo casado con María Auxiliadora Delgado San Martín. Tiña 4 fillos (Ignacio, Álvaro, Javier e Fabián) e dez netos.^[3]

Traxectoria

Médico de profesión, obtivo a licenciatura de Medicina no ano 1969 na Universidade da República, coa especialidade de oncoloxía e radioterapia no ano 1972. Ademais dirixiu o Departamento de Radioterapia do Instituto Nacional de oncoloxía do Uruguai e, no ano 1987 foi designado catedrático de oncoloxía e radioterapia.^[4]

Entre 1979 e 1989 foi presidente do Club Atlético Progreso, un equipo de fútbol do seu barrio, La Teja, en Montevideo. Baixo a súa presidencia, Progreso gañou o título de campión da Primeira División en 1989. Ademais, valorou candidatarse á presidencia da Asociación Uruguaia de Fútbol pero non foi posible dado que a súa significación política espertou o rexeitamento doutros clubs^[5].

Os seus comezos na vida política remóntanse ata o ano 1983 cando se afiliou ó Partido Socialista, sendo elixido no ano 1986 integrante do seu comité Central. Posteriormente, no ano 1989 o Frente Amplio designouno candidato a Intendente da capital uruguaia, gañando as eleccións o ano seguinte e sendo o alcalde da cidade entre os anos 1991 e 1995.^[6]

Triunfou na elección presidencial o 31 de outubro de 2004, na que se presentaba como candidato pola coalición de esquerda Encuentro Progresista-Fronte Ampla-Nova Maioría, ao obter a maioría absoluta co 50,45% dos votos emitidos, transformándose no primeiro presidente esquerdista e rompendo coa hexemonía bipartidista do Partido Nacional e o Partido Colorado, que dominaran a historia política uruguaia dende 1830. Asumiu o seu cargo de Presidente Constitucional do Uruguai o 1 de marzo de 2005 e o seu mandato estendeuse até o 1 de marzo do 2010.

Notas

1. Morreu Tabaré Vázquez
2. "Los mandatarios con raíces gallegas". La Voz de Galicia. 31/01/2019. Consultado o 28/06/2020. 
3. "Muere María Auxiliadora Delgado". BBC Mundo. 31/07/2019. Consultado o 29/06/2020. 
4. "Un oncologo de corazón". Sindicato médico del Uruguay. Consultado o 29/06/2020. 
5. ElPais. "Tabaré Vázquez, Progreso y la AUF: una presidencia exitosa y otra que se le escapó". Diario EL PAIS Uruguay (en spanish). Consultado o 2021-03-30. 
6. "Uruguay ficha país" (PDF). www.exteriores.gob.es. Consultado o 29/06/2020. 

Véxase tamén

Wikimedia Commons ten máis contidos multimedia na categoría:  Tabaré Vázquez

---

Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---