Rafael Bañón Rodes, nado en Alacant o 7 de outubro de 1929 e finado na mesma cidade o 4 de xullo de 2004, foi un xurista español.
Licenciado en Dereito pola Universidade de Murcia, conseguiu a praza de xuíz por oposición no ano 1956.[1] Tras ser destinado aos concellos almerienses de Sorbas, Vélez Rubio e Huércal-Overa, fíxose cargo en 1962 do xulgado único de Elx.[1] Posteriormente foi ascendido a maxistrado e destinado a Palma e, en 1982, á Audiencia provincial de Alacant, onde se fixo cargo da Sección Terceira.[1]