A tempada 2008/09 da Primeira División de España de fútbol pasa a denominarse Liga BBVA. Comezou a fin de semana do 30 e 31 de agosto de 2008 e rematara o domingo 31 de maio de 2009. Houbo un paro de Nadal entre o 21 de decembro e o 4 de xaneiro.
O 16 de maio, coa disputa da 36ª xornada, o Fútbol Club Barcelona proclamouse campión, por décimo novena vez na súa historia. O Real Madrid e o Sevilla FC clasifícanse de modo directo para a Liga de Campións xunto co FC Barcelona, e o Atlético de Madrid, que xogará a rolda previa. Villarreal CF e Valencia CF clasifícanse para a Copa da UEFA, que tamén xogará o Athletic de Bilbao por ser subcampión de Copa. Real Betis, Numancia e Recreativo de Huelva descenden a Segunda división.
O Deportivo da Coruña, único equipo galego nesta tempada, queda 7º, a 4 puntos dos postos de Copa da UEFA.
Tomaron parte 20 equipos.
PX = Partidos xogados; G = Partidos gañados; E = Partidos empatados; P = Partidos perdidos; GF = Goles a favor; GC = Goles en contra; DG = Diferenza de goles; Pts = Puntos
Diego Forlán logrou por segunda vez na súa carreira o trofeo do Diario Marca ao máximo goleador da Primeira División, así como a Bota de Ouro como mellor goleador das ligas europeas.[1]
Ademais de ser o equipo máis goleador, o FC Barcelona foi tamén o menos goleado do torneo. O seu gardameta, Víctor Valdés, erixiuse como Zamora por segunda vez na súa carreira.[2] Para optar ao premio foi necesario disputar 60 minutos en, como mínimo, 28 partidos.