A tempada 2007/08 da Primeira División de España de fútbol comezou o 25 de agosto de 2007 e terminou o domingo 18 de maio de 2008 debido á Eurocopa organizada en Austria e Suíza a partir do 7 de xuño de 2008. O torneo estivo organizado pola Liga de Fútbol Profesional (LFP). O 4 de maio de 2008 proclámase campión da liga o Real Madrid Club de Fútbol, tras gañar ao Osasuna no Reyno de Navarra por 1-2 con goles de Puñal de penalti e de Robben e Higuaín. Descenden a 2ª División o Levante, Real Murcia e o Real Zaragoza. Na xornada 36, o Villarreal proclamábase, por primeira vez na súa historia, subcampión de Liga ao gañar por 0-2 ao Recreativo de Huelva no estadio Novo Colombino. O Sevilla FC confirma o seu posto na Copa da UEFA gañando ao Real Betis no Estadio Manuel Ruiz de Lopera por 2 goles a 0. O Racing de Santander queda sexto e certifica o seu posto europeo por primeira vez na súa historia tras gañarlle ao Osasuna por 1 gol a 0.
Tomaron parte na competición vinte equipos, cun debutante, a Unión Deportiva Almería.
PX = Partidos xogados; G = Partidos gañados; E = Partidos empatados; P = Partidos perdidos; GF = Goles a favor; GC = Goles en contra; DG = Diferenza de goles; Pts = Puntos
Dani Güiza logrou por primeira vez o trofeo que outorga o Diario Marca ao máximo goleador da Primeira División, así como o de máximo goleador español. Os seus 27 tantos lle situaron, ademais, como segundo mellor goleador das ligas europeas, obtendo a Bota de Prata.
Iker Casillas, gardameta internacional de España e do Real Madrid, conseguiu por primeira vez na súa carreira o trofeo ao porteiro menos goleado da Primeira División de España.[1] Para optar ao premio foi necesario disputar 60 minutos en, como mínimo, 28 partidos.