Grazas ás súas espléndidas áreas montañosas, e ao alto recoñecemento internacional debido aos Xogos Olímpicos de Inverno en 1998 que tiveron lugar na prefectura, o turismo en Nagano especialízase en deportes invernais, como o esquí, patinaxe sobre xeo e snowboarding. Conta cun gran número de resorts de esquí, hoteis, e tours adicados ás devanditas actividades, que atraen a centos de turistas todos os anos. Ademais do atractivo deportivo que posúe, Nagano tamén conta con lugares de interese histórico e cultural, como o templo Zenko-Ji (fundado hai 1400 anos), o templo Iwamatsu-en (no que se atopa o Ho-ou-zu), o castelo de Matsumoto (un dos tesouros nacionais do Xapón), e moitos outros. Tamén se destacan atractivos naturais como os lagos Kizaki e Suwa.
