Please Please Me é o álbum de estrea da banda inglesa de rock The Beatles, editado o 22 de marzo de 1963 no Reino Unido a través do selo Parlophone. Foi publicado ás presas para capitalizar o éxito dos sinxelos "Please Please Me" (número 1 na meirande parte das listas británicas) e "Love Me Do" (número 17).
Das catorce cancións do disco, oito foron compostas pola parella formada por John Lennon e Paul McCartney (orixinalmente acreditados como "McCartney–Lennon"), a primeira evidencia do que a Rolling Stone chamou posteriormente "[a súa invención da] idea da banda de rock independente, escribindo os seus propios temas e tocando os seus propios instrumento". No ano 2012, Please Please Me foi colocado no posto 39 da lista da Rolling Stone dos "500 mellores álbums de todos os tempos".
Listaxe de cancións
Todos os temas compostos por McCartney–Lennon, agás onde se indique.