Pipino o Xiboso

Pipino o Xiboso

Biografía
Nacemento	769 ↔ 770
Morte	811 ^(Gregoriano) (40/41 anos) Prüm Abbey, Alemaña ^(en)
Causa da morte	peste
Rei dos francos
Outro
Título	Príncipe
Familia	Dinastía Carolinxia
Pais	Carlomagno   e Himiltrude
Irmáns	Carlos o Mozo Pipino de Italia Lois I o Piadoso Drogon de Metz Hugh Lotário Teodorico Rotrude Teodrada Berta Gisela Alpaida Adelaide Hildegarda Chrotais Hiltrude Rodaida Adaltruda

Pipino o Xiboso, nado cara ao 769 e finado cara ao 811, foi o fillo máis vello de Carlomagno coa súa concubina Himiltruda.

Traxectoria

Debido á discapacidade á que fai referencia o seu alcume e á súa posible ilexitimidade nunca foi candidato a herdar o goberno dos francos. Porén, Carlomagno tratábao con prioridade sobre os seus irmáns máis novos, como era apropiado pola súa primoxenitura. Carlomagno desherdouno formalmente no 780, cando o Papa bautizou ao seu terceiro fillo Carlomán, quen pasou a recibir o nome de Pipino. En 792 o deforme príncipe conspirou cun grupo de nobres descontentos para mataren a Carlomagno, á súa esposa e aos seus tres fillos, coa fin de que o Xiboso conseguise o trono, converténdose así nun monicreque dos nobres. O golpe fracasou e Carlomagno condenou a morte a todos os conspiradores agás ao seu fillo, quen foi desterrado ao mosteiro de Prüm, onde faleceu 19 anos despois.