Petra Maria Mede, nada o 7 de marzo de 1970 en Estocolmo (Suecia), é unha humorista e presentadora de televisión sueca.[1] Mede é coñecida polos seus papeis en programas de humor como Morgonsoffan e Parlamentet. Tamén fixo monólogos humorísticos no programa Stockholm Live. En 2009 presentou o Melodifestivalen 2009, onde foi elixida a representación de Suecia para o Festival da Canción de Eurovisión 2009. En 2009 foi votada como mellor humorista feminina de Suecia. En 2013, foi elixida pola SVT para presentar o Festival da Canción de Eurovisión 2013 que se celebrou en Malmö.[2] En 2015 foi elixida pola UER e a BBC para presentar xunto con Graham Norton a gala especial Eurovision Song Contest's Greatest Hits, que conmemorou o 60º aniversario do Festival de Eurovisión. En 2016 volveu ser elixida pola SVT para presentar o Festival da Canción de Eurovisión 2016 desde Estocolmo, nesta ocasión xunto a Måns Zelmerlöw. Mede tamén presentou a cerimonia dos Premios Guldbagge, os premios do cine sueco, en varias ocasións.
Vida persoal
Petra Mede naceu en Estocolmo mais creceu na localidade de Partille, preto de Gotemburgo. Fala sueco, inglés, español e francés con fluidez. Ten unha filla co seu compañeiro sentimental Mattias Günther, nacida en 2012.
Traxectoria en televisión
- Stockholm Live (2007)
- Extra! Extra! (2007-2008)
- Parlamentet (2007-2009)
- Dubbat (2008)
- Hjälp! (2008-2009)
- Morgonsoffan (2008)
- Det sociala spelet (2008)
- Musikmaskinen (2008)
- Sverige pussas och kramas (2008)
- Melodifestivalen 2009 (2009)
- Snillen snackar (2009)
- Roast på Berns (2009)
- Cirkus Möller (2009-2010)
- Babben & Co (2009)
- Sjön suger (2009)
- Petra Mede Show (2010)
- Välkommen åter (2010)
- Gala dos premios Guldbagge 2011 (2011)
- Maestro (2011 e 2013)
- Gala dos premios Guldbagge 2012 (2012)
- Högklackat (2012)
- Festival da Canción de Eurovisión 2013 (2013)
- Jülvard (2013)
- Gala dos premios Kristallen 2014 (2014)
- Gala dos premios Guldbagge 2015 (2015)
- En clown till kaffet (2015)
- Eurovision Song Contest's Greatest Hits, con Graham Norton (2015)
- Melodifestivalen 2016 (1ª semifinal), con Gina Dirawi (2016)
- Festival da Canción de Eurovisión 2016, con Måns Zelmerlöw (2016)
Filmografía
Notas
