PROFILBARU.COM

**Período micénico**
	Período micénico
	; Localización dos principais sitios micénicos
Historia	Historia de Grecia
Cronoloxía	Cronoloxía de Grecia; Cronoloxía da Grecia antiga
Categoría	Historia de Grecia
	Prehistoria
	Prehistoria de Grecia
	Idade Antiga
	Historia antiga de Grecia e Grecia Antiga
	-IV milenio
	-3200: Civilización cicládica
	-III milenio
	-2700: Civilización minoica
	-II milenio
	-1550 - -1200: Civilización micénica; -1200 - -800: Idade Escura
	Século -VIII
	-800 - -510: Época arcaica
	Século -VI
	-510 - -323: Época clásica
	Século -V
	-499 - -449: Guerras médicas; -461 - -429: Século de Pericles; -431 - -404: Guerra do Peloponeso
	Século -IV
	-323: Época helenística; -356 - -323: Alexandre o Grande
	Século -II
	-146: Grecia romana
	Século IV
	330: Imperio Romano de Oriente
	Idade Media
	Historia medieval de Grecia
	Idade Moderna
	Historia moderna de Grecia
	Idade Contemporánea
	Historia contemporánea de Grecia
	Relacionados
Artigos	Alimentación na Grecia antiga; Arquitectura da Grecia antiga; Arte da Grecia antiga; As mulleres na Grecia antiga; Economía na Antiga Grecia; Escravitude na Grecia antiga; Escultura da Grecia antiga; Historiografía da Grecia Antiga; Lingua grega antiga; Moeda da Antiga Grecia; Olaría da Grecia antiga; Pintura da Antiga Grecia; Relixión da Grecia antiga; Xeografía da Grecia antiga;

O Período micénico da historia de Grecia abarca desde o 1600 a.C. ao 1100 a.C., cando Micenas era un dos maiores centros de civilización e unha potencia militar que dominaba a maior parte do sur da Grecia. O período micénico constitúe a derradeira fase da Idade de Bronce na Grecia Antiga e é o escenario das narrativas épicas de Homero e de boa parte da mitoloxía grega. Rematou coa invasión dos dorios, aínda que hoxe se dubida de se existiu tal invasión.

Os descendentes dos invasores que remataran coa Creta minoica foron incorporando elementos de civilización preexistente e arredor de 1600 a. C. tiñan unhas monarquías cuxa sede estaba en palacios moi sinxelos, pero que conservaban trazos do seu pasado tribal, xa que o rei tiña mero carácter simbólico e as decisións tomábanse en asemblea de notables.

Máscara funeraria coñecida como Máscara de Agamenón.

O Bronce medio vense a converter na plena adaptación ao medio mediterráneo, dedicados o cultivo da vide, oliveira e algúns frutais como a figueira. Practicaban tamén a artesanía do bronce e a cerámica con torno de olería por vez primeira. Non tardaron en establecer contactos comerciais e esta nova realidade económica impulsou as necesidades defensivas, coa construción de fortificacións novas e máis eficaces. Tamén a monarquía foi deixando detrás o seu aspecto tribal, esvaeceuse a importancia da asemblea en favor dunha monarquía autocrática, moi semellante aos despotismos orientais. O rei estaba asistido por un primeiro ministro (lawagetas) con funcións civís e militares e un corpo de funcionarios moi estruturado e eficaz. Existía un clero moi poderoso e a súa relixión, de carácter sincrético con divindades xerarquizadas e cuxo deus supremo tiña como símbolo o raio. Nos palacios atopáronse arquivos de tabelas na escrita lineal B, con censos, inventarios etc, que controlaban as actividades no ámbito do rei.

Entrada da "Tumba de Agamenón" en Micenas.

O nome de micénicos procede de Micenas a cidade fortificada máis importante. Os palacios nesta época deixaron de ser meros caseróns para se converter en construcións luxosas e con servizos. A súa principal actividade económica aínda era a explotación da terra. As labouras do campo levábanas a cabo comunidades campesiñas, controladas pola burocracia. Outras labouras controladas dende o palacio eran a gandería e a metalurxia. Hai probas da existencia de comercio con Creta, Asia Menor, Chipre, Exipto, Siria, as costas do Mar Negro, Libia Sicilia, e os sur de Italia.

Aínda que Micenas era o reino máis importante (polo menos palacios atopados) houbo outros repartidos pola Grecia continental e as illas do mar Exeo. Os principais achados destes reinos están no Peloponeso, Tirinto, e Pilos. Ao norte do istmo de Corinto destacan os de Atenas, Orcómeno, Tebas e Gla (estas tres últimas na Beocia)

O aumento de poder económico e a militarización levaron por razóns defensivas a unha fase imperialista, alentada polo descubrimento e explotación de novas rotas comerciais, materias primas e mantemento de provedores e mercados. Conquistouse Creta e penetrouse na illa até poñer fin á cultura minoica. Tamén se conquistou Rodas e hai achados de presenza aquea en Chipre. Xa cara ao final do período micénico, produciuse un feito dunha gran repercusión literaria, a guerra de Troia (Ilión) que quedou destruída. A partir do 1200 a. C. as fortalezas quedaron destruídas, caeron as monarquías asentadas nelas debido sobre de todo á invasión dos dorios, até entón establecidos ao norte de Grecia (Tracia), aínda que algúns autores ven nesta caída sinais de desordes internos ou unha efervescencia étnica que provocou a caída do Imperio Hitita. Neste tempo produciuse unha migración masiva dos gregos ás costas occidentais de Asia Menor e Chipre. Sexa como for, ás poboacións anteriores, que con criterio lingüístico se clasifican como aqueos e xonios, vense a engadir os dorios, no que quedou formada a familia definitiva dos que se coñece como gregos. Coincidindo máis ou menos con estes trastornos étnicos, introdúcese en Grecia a metalurxia do ferro, a cerámica con decoración xeométrica e certas formas relixiosas, cun desprazamento das divindades femininas por unhas masculinas e coa adopción do rito funerario da incineración en lugar da inhumación.