O Partido Comunista Obrero Español (PCOE) é un partido comunista español formado en 1973 cando Enrique Líster deixou o PCE enfrontado co eurocomunismo de Santiago Carrillo, o seu secretario xeral. Con todo, o enfrontamento viña desde a condena do PCE á intervención soviética en Checoslovaquia en 1968. As súas mocidades están organizadas na Federación Juvenil Comunista de España. En 1986, tras a expulsión de Santiago Carrillo do PCE, Enrique Líster e a maioría dos militantes do PCOE volveron ó PCE, aínda que un sector minoritario opúxose. No ano 2000 produciuse a fusión entre o PCOE e o Partido Comunista de los Pueblos de España, pero en 2003 un grupo de militantes deixou o PCPE e refundou o PCOE.