Paheli

Paheli
Ficha técnica
Título orixinal	पहेली
Director	Amol Palekar
Produtor	Gauri Khan
Guión	Sandhya Gokhale
Baseado en	Duvidha de Vijayadan Detha
Intérpretes	Shah Rukh Khan Rani Mukerji Juhi Chawla Anupam Kher Amitabh Bachchan Sunil Shetty Rajpal Yadav
Música	Cancións: M.M. Kreem Banda sonora: Aadesh Shrivastava
Fotografía	Ravi K. Chandran
Montaxe	Amitabh Shukla Steven H. Bernard
Estudio	Red Chillies Entertainment
Distribuidora	Eros International
Estrea	24 de xuño de 2005
Duración	141 minutos
Orixe	India
Xénero	Fantasía
Orzamento	140 millóns ₹[1]
Recadación	320 millóns ₹[1]
Na rede

Paheli (en hindi: पहेली) é un filme indio de 2005 rodado en lingua hindi e dirixido por Amol Palekar. É un remake do filme de 1973 Duvidha de Mani Kaul, e baséase na historia escrita por Vijayadan Detha en lingua rajasthani. Tamén foi parcialmente inspirado polo filme canarés de 1997 Nagamandala, baseado á súa vez na obra homónima de Girish Karnad.^[2] Foi producido por Juhi Chawla, Aziz Mirza, Sanjiv Chawla e Shah Rukh Khan, quen tamén é o protagonista. Conta a historia dunha esposa (Rani Mukerji) cuxo marido (Khan) marcha de viaxe de negocios xusto despois de casar, e recibe a visita dun xenio, disfrazado do seu marido, que está namorado dela e ocupa o seu lugar no fogar. A historia de Detha, que fora adaptada anteriormente ao filme de 1973 por Mani Kaul, ten orixe folclórica.^[3] Porén, Paheli diverxe do seu material orixinal e das adaptacións anteriores ao dar á trama e ao seu personaxe feminino principal un carácter máis feminista.^[4]

Foi escollido como candidato da India para o Óscar ó mellor filme internacional na 78ª edición dos premios, mais finalmente non foi nomeado.^[5]

Personaxes

• Shah Rukh Khan como Kishanlal / pantasma
• Rani Mukerji como Lachchi
• Anupam Kher como Bhanwarlal
• Aditi Govitrikar como Kamli
• Rajpal Yadav como Bhoja
• Dilip Prabhavalkar como Kanwarlal
• Sharvari Jamenis como Rakhma
• Palak Jain como Anusuya
• A. K. Hangal como Jeevraj
• Naseeruddin Shah como marioneta
• Ratna Pathak Shah como marioneta
• Amitabh Bachchan como Gadariya
• Juhi Chawla como Gajrobai
• Suniel Shetty como Sunder Laal
• Aasif Sheikh como pantasma

Notas

1. "Paheli". Box Office India. Arquivado dende o orixinal o 5 de setembro de 2015. Consultado o 23 de agosto de 2015. 
2. "Top ten Kannada films to have been remade". The Times of India. 
3. Martins, Constantino; Damásio, Manuel (15 de agosto de 2016). Seduction in Popular Culture, Psychology, and Philosophy. IGI Global. p. 140. ISBN 978-1-5225-0526-6. Detha's ostensibly simple folktale published in of the 1970s, with its multi-layered texture, has become a favorite for film makers: two veteran film directors - Mani Kaul (who made Duvidha in 1973) and T.S. Nagabharana (made Nagamandala in Kannada, in 1997) before Palekar-Gokhale remade it as Paheli in 2005. 
4. Journal of Dramatic Theory and Criticism. University of Kansas. 2014. p. 66. 
5. Ashraf, Syed Firdaus. "Paheli is India's Oscar entry". www.rediff.com. Arquivado dende o orixinal o 7 de abril de 2019. Consultado o 2019-05-13. 

Véxase tamén

Outros artigos

• Filmes da India propostos ó Óscar ó mellor filme internacional
• Filmes propostos ó mellor filme internacional na 78ª edición dos Óscar