Offa de Essex

Offa de Essex

Biografía
Nacemento	século VII
Morte	século VIII (>709 ^(Gregoriano)) Roma, Italia
Rei de Essex
Enaltecemento
santo
Familia
Pais	Sighere de Essex   e Osgyth
Descrito pola fonte	Dictionary of National Biography

Offa foi rei de Essex, tras a morte do seu pai Sighere, o 709, pero abdicou pouco despois para ir a Roma como un peregrino.

Traxectoria

Na Historia ecclesiastica gentis Anglorum, Beda describe dicindo que era: "Un home novo, na mellor idade e de gran beleza, que tivo o apoio da súa nación enteira para ser rei. Pero el, movido pola súa devoción, deixou a súa esposa, a súa terra, os seus fillos e o seu país para atoparse con Deus e o evanxeo, que el quería recibir totalmente na vida e tamén na vida eterna tras a morte. Cando visitou lugares sagrados en Roma, fíxose tonsurar e adoptou a vida monástica, co fin de acadar a longamente desexada visión dos benditos apóstolos no ceo^[1]". Nesta viaxe foi acompañado por Coenred de Mercia que tamén renunciou ao título de rei, pero a diferenza de Offa, Coenred levaba anos no cargo. No Liber Pontificalis, un libro que conta a historia dos acontecementos durante os diferentes papados, describe a chegada destes dous reis saxóns, e que morreron alí^[2][3].

Consérvase unha carta de doazóns de terras en Warwickshire (S64) atribuída a el, aínda que el é descrito como rei de Mercia no canto de rei de Essex^[4]. Poderíase tratar dunha copia mal feita dunha auténtica feita en conxunto con Coenred de Mercia^[5]. Houbo outra carta (probabelmente auténtica) que xa non se conserva (S1784) na que Offa fixo unha doazón de terras da cidade de Hemel Hempstead para o bispo de Londres.

Notas

1. Beda, Historia ecclesiastica gentis Anglorum, libro V.
2. Mommsen(trad.) 1898, p. 225.
3. Allen 2014, p. 95.
4. Anglo-Saxon.net (ed.). "Offa". 
5. «Scriptum 1784», Sawyer, Anglo-Saxon Charters Arquivado 21 de agosto de 2017 en Wayback Machine. (Royal Historical Society, 1968)

Véxase tamén

Bibliografía

• Allen, Grant (2014). Early Britain: Anglo-Saxon Britain. The Floating Press. 
• Kirby, D P (2000). The Earliest English Kings. Psychology Press. 
• Lappenberg, Johann Martin (1845). From earliest times to 800. Murray. 
• Mommsen (trad.), Theodor (1898). Liber Pontificalis. 
• Thorpe, Benjamin (1845). "Genealogy of the Kings of Essex". A History of England under the Anglo-Saxon Kings, volume 1. 
• Yorke, Barbara (1985). "The Kingdom of the East Saxons". Anglo-Saxon England 14. 
• Yorke, Barbara (1990). Kings and Kingdoms of Early Anglo-Saxon England. Londres: Routledge. ISBN 1-85264-027-8.