Norman George, nado o 2 de xullo de 1946 en Atiu, é un político das Illas Cook.
Traxectoria
George traballou como oficial de policía, primeiro na Policía das Illas Cook e logo na Policía de Nova Zelandia, antes de traballar como avogado en Rarotonga. En 1983 resultou elixido como demócrata para o Parlamento das Illas Cook por vez primeira.
De 1984 a 1989 George foi ministro nos gabinetes de Tom Davis e Pupuke Robati, levando as carteiras de Asuntos Exteriores, Tradicións, Relacións co Parlamento, Banco de Desenvolvemento das Illas Cook, Policía e Fiscal Xeral[1]
En 1992 George resultou expulsado do seu partido por unha disputa sobre os gastos.[2], fundou entón o Partido da Alianza, que conseguiu dous asentos nas eleccións de 1994, e cinco anos despois refundado como Partido da Nova Alianza, logrou catro escanos, pasando a ser George viceprimeiro ministro.[2] durante algúns meses ata que en outubro pasou á oposición, volvendo de novo a asumir o posto tras apoiar a Terepai Maoate como primeiro ministro, uníndose o Partido da Nova Alianza co Partido da Alianza Democrática,[3], George tivo varias carteiras no goberno de coalición de Robert Woonton antes de cesar en 2002.[4] Unha serie de escándalos sobre conflitos de intereses,[5], a venda unha residencia ao promotor neozelandés Mark Lyon,[6] e un axunto xudicial sobre incompatibilidades[7] fixeron declinar a popularidade de George. Cando o Partido Demócrta non o seleccionou como candidato[8] para as eleccións xerais de 2004 deixou o partido e fundou o Tumu Enua, que non tivo éxito obter o escano.[9], pese á súa derrota foi nomeado presidente do Parlamento[10], xa que segundo as leis das Cook, o presidente non ten por que ser deputado. Nas eleccións parciais de 2006 obtivo escano como independente apoiado polo Partido das Illas Cook[11], reelixido nas eleccións xerais de 2006 e 2010.
Notas
Ligazóns externas
