Nordic Regional Airlines

Nordic Regional Airlines
IATA N7	OACI FIN	Indicativo FINNAIR
Fundación		2011 (como Flybe Nordic)
Inicio das operacións		maio de 2015 (como Nordic Regional Airlines)
Aeroporto principal		aeroporto de Helsinqui
Plan de voo frecuente		Finnair Plus
Alianza		Oneworld (afiliada)
Frota		24
Destinos		35
Holding		Finnair
Páxina web: http://flynorra.com

Nordic Regional Airlines Oy (comercializada como Norra e estilizado como N°RRA, e anteriormente Flybe Nordic)^[1] é unha aeroliña rexional finlandesa baseada no aeroporto de Helsinqui. A compañía é propiedade de Finnair.^[2]

A aeroliña comezou a operar como Flybe Nordic o 20 de outubro de 2011 como unha empresa conxunta entre Flybe e Finnair, despois da súa compra de Finncomm Airlines. Flybe vendeu o seu 60% a Finnair como unha solución temporal ao prezo de 1 euro en marzo de 2015.^[3] A compañía vén operando co código de Finnair dende o 1 de maio de 2015. A súa sede e centro de operacións atópase en Vantaa, aínda que en Seinäjoki teñen o seu departamento financeiro.^[4]

Frota

ATR 72

En maio de 2018 a frota de Nordic Regional Airlines estaba formada polos seguintes avións:^[5]

Avión	En servizo	Pedidos	Pasaxeiros			Notas
			J	Y	Total
ATR 72-500	12	—	—	68	68	Alugados a Finnair
				72	72
Embraer 190LR	12	—	12	88	100	Operados por Finnair
Total	24	—

Notas

1. ch-aviation (ed.). "Finland's Flybe. Nordic rebrands as Nordic Regional Airlines". Consultado o 5 de maio de 2018. 
2. Norra (ed.). "Us". Arquivado dende o orixinal o 05 de maio de 2018. Consultado o 5 de maio de 2018. 
3. Financial Times (ed.). "Flybe agrees to sell Finnish division for €1". 
4. Norra (ed.). "About us". Arquivado dende o orixinal o 29 de setembro de 2023. Consultado o 5 de maio de 2018. 
5. Norra (ed.). "Fleet". Arquivado dende o orixinal o 05 de maio de 2018. Consultado o 5 de maio de 2018. 

Véxase tamén

Ligazóns externas

• Páxina web da aeroliña