O monte Acibal é unha montaña galega, sita na área metropolitana de Pontevedra. Esténdese polos concellos de Barro, Campo Lameiro e Moraña.[1] Acada unha altura de 573 metros sobre o nivel do mar. Dende o seu cumio pódense observar as rías de Pontevedra e Arousa en día despexados.
O terreo que circunda o Monte Acibal é abrupto e montuoso, porén, cara ao noroeste é chan. Este monte forma parte dos contrafortes da dorsal galega cara á costa, atopándose entre o val do río Lérez ao leste e a depresión meridiana ao oeste. O monte separa as concas dos ríos Lérez e Umia. Na súa aba suroeste atópase o encoro do Pontillón do Castro.
A densidade de poboación nos arredores do monte é de 239 persoas por quilómetro cadrado, é dicir, atópase nunha zona densamente poboada.[2] A gran cidade máis próxima ao monte é Pontevedra, a 10,6 km ao suroeste. A área ao redor do monte Acibal está case cuberta de bosque mixto.[3]
O clima é tépedo. A temperatura media é de 13 °C. O mes máis caloroso é xullo, con 21 °C, e xaneiro o máis frío, con 6 °C.[4] A precipitación media é de 1,807 milímetros ao ano. O mes máis chuvioso é xaneiro, con 261 milímetros de choiva, e o máis seco é xullo, con 32 milímetros.[5]
Na década de 2020 proxectouse a construción dun parque eólico neste monte, porén as obras foron paralizadas por orde do TSXG por afectar negativamente ao patrimonio natural.[6]
| Climograma de Monte Acibal |
|---|
| X | F | M | A | M | X | X | A | S | O | N | D |
|
|
|
|
|
|
|
|
|
|
|
|
| temperaturas en °C • totais de precipitación en mm |
|
|
|
Notas
