Miguel Emilio Rodríguez Macías, nado en Santiago de Querétaro (México) o 21 de abril de 2003, máis coñecido como Emi Rodríguez, é un futbolista mexicano. Xoga de extremo dereito e o seu equipo actual é o Real Club Celta de Vigo da Primeira División de España.
Traxectoria
Club de Fútbol Pachuca
O 23 de xuño de 2023 debutou como titular na derrota do Club de Fútbol Pachuca fronte aos Tigres da UANL do Campión de Campións da liga MX na que os Tuzos perderon 2-1. A partir do Apertura 2023, pasou a xogar de lateral esquerdo co Pachuca, ata que no Clausura 2024, ao esta non ser a súa posición natural, foi cambiado ao extremo dereito, no cal se afianzou coa titularidade cos tuzos. Chegou incluso a marcar un gol na final de Copa de Campións da CONCACAF, onde o Pachuca venceu 3-0 ao conxunto do Columbus Crew e así, Emi logrou o seu primeiro título como profesional. Foi, ademais, escollido como xogador revelación do torneo.
Real Club Celta de Vigo
En xuño do 2024 anunciouse que Emi Rodríguez ía fichar polo Real Club Celta de Vigo en calidade de cedido con opción de compra.
Palmarés
Títulos internacionais
