Medos Romero

Medos Romero

Biografía
Nacemento	21 de outubro de 1959 (65 anos) Somede, España
Formación profesional	Enfermaría
Educación	Universidade de Santiago de Compostela
Actividade
Ocupación	escritora
Xénero artístico	Poesía, narrativa
Premios
(2021)  Premio da Crítica de poesía galega (2021)  Premio de poesía Afundación (2019)  Certame de poesía erótica Illas Sisargas (2006)  Premio de poesía Miguel González Garcés

Remedios Fernández Romero, coñecida literariamente como Medos Romero, nada en Somede (As Pontes de García Rodríguez) o 21 de outubro de 1959, é unha escritora galega.

Traxectoria

Diplomada en Enfermaría pola Universidade de Santiago de Compostela. Traballou como enfermeira nas Pontes de García Rodríguez e na Residencia “Arquitecto Marcide” de Ferrol^[1]. Reside en Lourido (Valdoviño). Ten colaborado en diversas revistas, como A Xanela e Festa da Palabra Silenciada.^[2][3]

Comezou a escribir tardiamente, con 37 anos cumpridos, despois de experiencias moi gozosas no mundo da aldea.^[4] Foi unha das poetas que se circunscribiu á chamada Xeración dos 90 aínda que o fixo por data de produción, xa que a súa obra comezou a publicarse nos anos clave do boom da poesía escrita por mulleres.^[5]

Obra

Poesía

• Rendéome no tempo (1998). edición da autora, Pontedeume.
• Ámome en por min (1999). Espiral Maior.
• O peso da derrota (2000). Espiral Maior.
• Lenzo das madrugadas (2003). Follas Novas.
• O pozo da ferida (2006). Deputación da Coruña.
• A seitura dos tristes (2006). Follas Novas.
• Do corpo e a súa ausencia (2010). Sociedade de Cultura Valle-Inclán.
• A ansia do lóstrego (2012). Follas Novas.
• Hortensia (2020). Medulia. 42 páxs.^[6][7]
• O sol era Ela (2021). Arte de trobar. Editorial. Xunta de Galicia & Centro Pen& Afudación. ISBN 978-84-09-35480-1.^[8]
• As flores do baleiro (2024). Vigo: Galaxia. 104 páxs. ISBN 978-84-1176-339-4.

Narrativa

• Dubido se matei a Lena (2000). Ed. Xerais. 72 páxs. ISBN 9788483025864.
• O trevo da sorte (2003). Baía Edicións. 116 páxs. ISBN 978-84-96128-45-3.^[9]

Obras colectivas

• Narradoras (2000). Xerais.
• Negra sombra. Intervención poética contra a marea negra( 2003). Espiral Maior.
• Dez anos de poesía nas Pontes (2013). Galebook.
• Versus cianuro. Poemas contra a mina de ouro de Corcoesto (2013). A. C. Caldeirón.
• 150 Cantares para Rosalía de Castro (2015). Libro electrónico).

Premios

• Premio de poesía Miguel González Garcés no 2006, por O pozo da ferida.
• XIX Premio de poesía Afundación no 2021, por O Sol era ela.^[10]
• Premio da Crítica de poesía galega no 2022, por O Sol era Ela.^[11]

Notas

1. "Autores - Romero, Medos". baiaedicions.gal. Consultado o 2021-02-23. 
2. "Medos Romero". www.aelg.gal. Consultado o 2021-02-23. 
3. "Ficha do autor". bvg.udc.es. 
4. asescollaselectivas (2013-03-16). "Medos Romero". As Escollas Electivas. Consultado o 2021-02-23. 
5. Conde, Lorena. "A palla que fai palleiro. Medos Romero.". A Sega. Consultado o 2021-02-23. 
6. Xmeyre, ~ (2021-01-22). "a propósito de HORTENSIA, de Medos Romero, en Medulia". Ferradura en Tránsito II. Arquivado dende o orixinal o 02 de marzo de 2021. Consultado o 2021-02-23. 
7. Nicolás, Ramón (2020-12-05). "Hortensia, de Medos Romero". Caderno da crítica. Consultado o 2021-02-23. 
8. Xmeyre, ~ (2022-03-02). "a propósito de E O SOL ERA ELA, de Medos Romero, en Afundación&Centro Pen&Xunta". Ferradura en Tránsito II. Arquivado dende o orixinal o 08 de marzo de 2022. Consultado o 2022-04-10. 
9. "Medos Romero regresa a la narrativa con «O trevo da sorte»". La Voz de Galicia (en castelán). 2004-01-04. Consultado o 2021-02-23. 
10. "Medos Romero gaña o XIX Premio de Poesía Afundación, co que colabora a Xunta de Galicia". www.xunta.gal. Consultado o 2022-11-23. 
11. "O Premio Nacional de la Crítica recoñece a obra de Diego Ameixeiras e de Medos Romero". La Voz de Galicia. 2022-04-10. Consultado o 2022-04-10. 

Véxase tamén

Ligazóns externas

• Vídeo Por que comecei a escribir?
• Blog A Xanela Verde