Marcial Peralba Fontáns

Marcial Peralba Fontáns

Biografía
Nacemento	valor descoñecido O Porriño, España
Morte	25 de novembro de 1965 O Porriño, España
Alcalde do Porriño
15 de maio de 1939 – novembro de 1939 – Jesús Louzán Giráldez →
Alcalde do Porriño
agosto de 1931 – agosto de 1932 ← Serafín Areal Giráldez – Silvino González García →
Actividade
Ocupación	empresario, político

Marcial Peralba Fontáns, nado no Porriño e finado no mesmo concello o 25 de novembro de 1965,^[1] foi un empresario e político galego.

Traxectoria

Contratista de obras. Concelleiro do Porriño en 1930, foi elixido primeiro tenente de alcalde na corporación presidida por José Carrera Domínguez.^[2] Na Segunda República fundou con Manuel Cabaleiro Comesaña a Agrupación Republicana do Porriño.^[3] Logo da repetición das eleccións municipais o 31 de maio, que foron anuladas polo gobernador civil nun dos distritos electorais e houbo que repetirlas o 12 de xullo,^[4] obtendo finalmente a vitoria a conxunción republicano-socialista que logrou 10 concelleiros fronte aos 6 dos antigos upetistas, foi elixido alcalde do Porriño en agosto de 1931.^[5][6] Foi cesado en agosto de 1932 por incompatibilidade.^[7] Foi elixido presidente do Casino do Porriño en xaneiro de 1934.^[8] Logo do golpe de Estado do 18 de xullo de 1936 foi nomeado concelleiro do Porriño en 1937 e elixido segundo tenente de alcalde.^[9] O 15 de maio de 1939 tomou posesión como alcalde, permanecendo no cargo até novembro dese ano.

Vida persoal

Casou con Carmen Cabaleiro Rodríguez e foi pai de Carmen, María Rogelia e Marcial Peralba Cabaleiro.

Notas

1. El Pueblo Gallego, 26-11-1965, p. 10.
2. El Pueblo Gallego, 19-3-1931, p. 7.
3. El Pueblo Gallego, 13-5-1931, p. 3.
4. El Tea, 23-7-1931, p. 2.
5. El Tea, 3-8-1931, p. 2.
6. El Tea, 11-8-1931, p. 3.
7. El Sobroso, 1-9-1932, p. 2.
8. El Tea, 4-1-1934, p. 2.
9. El Pueblo Gallego, 19-12-1937, p. 2.

Véxase tamén

Bibliografía

• Paz Antón, Xosé Ramón (2007). O Porriño 1936. Vigo: A Nosa Terra. ISBN 978-84-8341-157-5. 

Predecesor: Serafín Areal Giráldez	Alcalde do Porriño  1931 - 1932	Sucesor: Silvino González García
Predecesor: Licer Ramilo Portela	Alcalde do Porriño  1939	Sucesor: Jesús Louzán Giráldez