A Liga de Campións da UEFA 1996-97 foi a edición número 42 da máxima competición europea de fútbol a nivel de clubs organizada pola UEFA. A rolda previa da competición disputouse en agosto. A fase de grupos comezou en setembro e rematou en decembro. Os cuartos de final foron en marzo, as semifinais en abril, e a final foi o 28 de maio de 1997. Na final enfrontáronse o campión da edición anterior, o Juventus FC, e mailo campión alemán, o Borussia Dortmund, que venceu por 3 goles a 1.
Os 8 equipos que non tiveron que pasar pola fase previa eran: Ajax Ámsterdan, AJ Auxerre, Atlético Madrid, Borussia Dortmund, Juventus FC, Manchester United, FC Porto e AC Milán. Os outros 8 equipos que participaron na fase de grupos foron o que se clasificaron na rolda previa.
Ó remate da fase de grupos clasificáronse para cuartos de final os 2 primeiros equipos de cadanseu grupo.