José Manuel Freire Couto

José Manuel Freire Couto
Biografía
Nacemento	1955 (69/70 anos)
Alcalde de Barbadás
	1987 – 2015 ; ← Ángel Durán Álvarez – Xosé Carlos Valcárcel →
Actividade
Lugar de traballo	Barbadás
Ocupación	político
Partido político	Partido Popular de Galicia

José Manuel Freire Couto^[1], nado en 1955, é un médico e político galego do PPdeG.

Traxectoria

É licenciado en Medicina, está casado e ten dúas fillas^[2]. Foi elixido alcalde de Barbadás polo CDS no ano 1987. No 1991 pasou a formar parte do Partido Popular de Galicia e logrou novamente a alcaldía con maioría absoluta. Continuou como alcalde de Barbadás con maioría absoluta ata a súa retirada no ano 2015.

Foi coordinador político da xunta directiva do PPdeG en Ourense^[3]. Tamén foi xerente do Instituto Ourensán de Desenvolvemento Económico (INORDE)^[4], vogal do Consello de Administración de Xestur Ourense^[5], presidente da Asociación de Desenvolvemento Rural Comarca de Ourense (ARDECOU)^[6], secretario do Consello de Administración do Parque Tecnolóxico de Galicia (Tecnópole)^[7] e vogal da Fundación Dorzán^[8]. Ademais foi cabaleiro da Orde do Camiño de Santiago^[9] e presidente do Padroado Provincial de Turismo.