Joaquín Romero Míguez

Joaquín Romero Míguez

Biografía
Nacemento	6 de outubro de 1898 Currás, España
Morte	1987 (88/89 anos) Vigo, España
Alcalde de Tomiño
1925 – 1926 – Floriano González Daval →
Actividade
Ocupación	mestre, político

Joaquín Romero Míguez, nado en Currás (Tomiño) o 6 de outubro de 1898^[1] e finado en Vigo en 1987, foi un mestre e político galego.

Traxectoria

Na ditadura de Primo de Rivera foi nomeado concelleiro de Tomiño pola parroquia de Currás e elixido primeiro tenente alcalde en abril de 1925.^[2] Logo da destitución do alcalde Agustín Álvarez Paredes, foi elixido alcalde de Tomiño en xuño de 1925.^[3] Permaneceu no cargo até o ano seguinte. Foi mestre interino de Lebozán e Ribadelouro e mestre titular no Ribeiro (Celanova) dende 1934.^[4] Co golpe de Estado do 18 de xullo de 1936 foi depurado; sancionado en 1940 co traslado fóra da provincia, foi destinado a Valdemaluque (provincia de Soria).^[5] En 1946 conseguiu o traslado para a escola unitaria número 2 de Goián.^[6] En 1965 trasladouse a Vigo.^[7]

Predecesor: Agustín Álvarez Paredes

Alcalde de Tomiño  1925 - 1926

Sucesor: Floriano González Daval

Vida persoal

Casou en Vigo con Teresa Rodelgo de Haz en xaneiro de 1936.^[8]

Notas

1. Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 119. 
2. El Pueblo Gallego, 5-5-1925, p. 13.
3. El Pueblo Gallego, 30-6-1925, p. 6.
4. El Noticiero Gallego, 18-3-1934, p. 2.
5. Labor, 27-8-1940, p. 2.
6. El Correo Gallego, 23-7-1946, p. 3.
7. El Pueblo Gallego, 14-10-1965, p. 15.
8. El Pueblo Gallego, 19-1-1936, p. 4.

Véxase tamén

Bibliografía

• "Las cuentas municipales de Tomiño". Tribuna (29): 5. 15-10-1933.