Helmut Marko, nado en Graz o 27 de abril de 1943 é un expiloto de automobilismo austríaco, actual conselleiro de Red Bull GmbH de Fórmula 1 e xefe do programa de desenvolvemento de pilotos de Red Bull.
Traxectoria
Marko era amigo de escola de Jochen Rindt,[1] que se convertería no campionato mundial de Fórmula 1 en 1970. Marko competiu en varias series de carreira, incluíndo 10 Grandes Premios de Fórmula Un en 1971 e 1972, pero non conseguiu puntos no Campionato do Mundo.
A pesar de estar preocupado pola mala seguridade na Targa Florio, fixo as voltas máis rápidas ao redor do circuíto de montaña de 72 km en Sicilia na carreira de 1972, reducindo máis de dous minutos ao líder en dúas voltas para terminar segundo a so 17 segundos. A súa volta rápida no Alfa Romeo 33 foi de 33 minutos e 41 segundos, cunha media de 128´253 km/h.[2]
Marko converteuse en doutor en Dereito en 1967.[7] Posúe dous hoteis en Graz: o Schlossberghotel e Augartenhotel. Foi representante dos pilotos de carreiras austríacos Gerhard Berger e Karl Wendlinger durante algúns anos antes de fundar e dirixir RSM Marko en 1989, un equipo de carreiras que competiu na Fórmula 3 e na Fórmula 3000, correndo baixo o nome de Red Bull Junior Team a partir de 1999. Desde 1999 tamén supervisou o programa de desenvolvemento de pilotos de Red Bull, que dirixiu pilotos como Sebastian Vettel, Daniel Ricciardo e Max Verstappen na Fórmula Un. Desde 2005 foi conselleiro do equipo de Red Bull Racing Formula One.
↑Völker, Herbert. "The First Formula One Pop Star". The Red Bulletin setembro 2010. Red Bull Media House GmbH. Arquivado dende o orixinal o 02 de maio de 2014. Consultado o 25 de marzo de 2013.
.jpg)
