Emilio Alonso Paz

Para outras páxinas con títulos homónimos véxase: Emilio Alonso.

Emilio Alonso Paz

Biografía
Nacemento	1878 Cartimil, España
Morte	16 de marzo de 1937 (58/59 anos) Monte Porreiro, España
Causa da morte	pena de morte, ferida por arma de fogo
Alcalde de Silleda
1936 – 1936 (destitución) ← Antonio Trabazo Lorenzo – Manuel García Cerviño →
Alcalde de Silleda
1932 – 1934 (dimisión) ← Antonio Pereiro Gil – Segundo Arceo Díaz →
Actividade
Ocupación	político
Familia
Parentes	Antón Alonso Ríos, curmán entregue

Placa na rúa Alonso Paz

Emilio Deogracias Alonso Paz, nado en Cartimil (Silleda) en 1878 e finado en Monte Porreiro (Pontevedra) o 16 de marzo de 1937, foi un político galego, alcalde de Silleda nos anos da II República Española.

Traxectoria

Curmán de Antón Alonso Ríos, foi un dirixente agrarista. Concelleiro de Silleda en 1931, foi elixido alcalde en 1932 e dimitiu en 1934. Militante de Izquierda Republicana, en 1936 foi reposto como alcalde. Logo do golpe de Estado do 18 de xullo de 1936 fuxiu a Portugal, pero foi delatado, apresado e entregado ás autoridades franquistas, que o internaron na illa de San Simón. Xulgado en consello de guerra, foi condenado á pena de morte e fusilado en Monte Porreiro en marzo de 1937.

Recoñecementos

A finais da década de 1990, a corporación municipal de Silleda decidiu poñerlle o seu nome a unha das rúas do casco urbano de Silleda. No 2007, coincidindo co 70 aniversario do seu fusilamento, a asociación socio-cultural Adellís e a Comisión pola Memoria Siñor Afranio organizaron un acto na súa lembranza na rúa que leva o seu nome.^[1]

Notas

1. "Copia arquivada". Arquivado dende o orixinal o 31 de maio de 2010. Consultado o 01 de febreiro de 2012. 

Predecesor: Antonio Pereiro Gil	Alcalde de Silleda  1932 - 1934	Sucesor: Segundo Arceo Díaz
Predecesor: Antonio Trabazo Lorenzo	Alcalde de Silleda  1936	Sucesor: Manuel García Cerviño