Elvira Méndez Rodríguez

Elvira Méndez Rodríguez

Biografía
Nacemento	31 de marzo de 1873 Ribadeo, España
Morte	xullo de 1974 (101 anos) Toledo, España
Actividade
Ocupación	mestra
Premios
Cruz da Orde Civil de Afonso X o Sabio

Elvira Méndez de la Torre^[1] Rodríguez, nada en Ribadeo o 31 de marzo de 1873 e finada en Toledo en xullo de 1974, foi unha mestra galega.

Traxectoria

No 1897, desprazada xa a Madrid coa familia, obtivo o título de Mestra de Primeiro Ensino na Normal Central de Maestras (Universidade Central de Madrid)^[1], presentándose a dúas oposicións e aprobando ambas ese mesmo ano.^[2] Foi Premio de Honor na Escuela de Pintura y Grabado de Madrid no 1902, data a partir da que iniciou primeiro a súa formación internacional e logo a súa proxección no traballo. Foi pensionada polo Ministerio de Instrución Pública para formarse en Traballo Educativo en Ripatransone (Italia), estudar Psicoloxía e Antropoloxía en París e graduarse no 1905 como Profesora de Anormais (correspondente á actual Educación Especial) en Milán.^[3]

Traballou nas escolas normais de Segovia e Ávila. No 1910, comezou a traballar en Toledo, onde promoveu cantinas escolares, ropeiros e colonias (colonia veraniega de Pedrosa, Santander, cun sistema de axudas), iniciativas daquela novidosas. Creou a Decena, entidade que axudaba as alumnas pobres.

No 1926 foi nomeada concelleira de Toledo.^[4] Entre 1926 e 1930 promoveu a construción da nova Escola Normal de Mestras na vila, sendo directora da institución entre 1913 e 1948, cun período entre 1931 e 1936 no que non ocupou o cargo por unión entre as escolas normais masculina e feminina. Á súa xubilación foi nomeada Directora Honoraria.^[1]

Solteira, relixiosa e con carácter forte, foi membro segrar da Orde 3ª Carmelita. Ao facer 100 anos foi homenaxeada coa Cruz de Afonso X o Sabio.

Vida persoal

A súa irmá Adelina Méndez de la Torre Rodríguez foi xornalista e mestra en Bilbao, e o seu irmán Emilio foi autor de teatro.^[3]

Notas

1. ACADEMIA (2012-10-07). "La Escuela Normal Superior de Maestras de Toledo (1900-1953) por Ramón Sánchez González" (PDF). Real Academia de Bellas Artes y Ciencias Históricas de Toledo (en castelán). Consultado o 2019-03-13. 
2. Sánchez González, Ramón (2011). "Doña Elvira Méndez de la Torre, una "toledana" ilustre rescatada del olvido". Archivo secreto: revista cultural de Toledo (5): 44–64. ISSN 1695-4742. 
3. "Elvira Méndez, una ribadense pionera en la enseñanza y en la política". La Voz de Galicia (en castelán). 2016-04-11. Consultado o 2024-10-09. 
4. "Dos ribadenses innovadoras de la enseñanza y una de ellas concejala en Toledo en 1926". La Voz de Galicia (en castelán). 2019-03-10. Consultado o 2019-03-12. 

Véxase tamén

Bibliografía

• Sánchez González, Ramón (2011). "Doña Elvira Méndez de la Torre, una "toledana" ilustre rescatada del olvido". Archivo secreto: revista cultural de Toledo (5): 44–64. ISSN 1695-4742.