As Eleccións xerais de 20 de xaneiro de 1876 en España foron convocadas baixo o reinado de Afonso XII e tiveron carácter constituínte cuxo resultado foi a Constitución española de 1876, vixente ata 1931, na coñecida como Restauración borbónica en España.
O 26 de agosto de 1875 as tropas de Joaquín Jovellar e de Arsenio Martínez Campos ocuparon La Seu d'Urgell, o que supuxo un importante revés para o carlismo en Cataluña. O 12 de setembro, Cánovas del Castillo cedeu transitoriamente a presidencia do goberno ao xeneral Joaquín Jovellar para preparar o futuro político da monarquía afonsina.
O número de votantes para estas eleccións era de 3 989 612, votando soamente os varóns maiores de 25 anos. Así, mediante sufraxio universal masculino elixíronse 391 deputados durante os días 20 e 23 de xaneiro de 1876.[1]
← Eleccións xerais en España, 20 de xaneiro de 1876 →
O 15 de febreiro reuníronse as Cortes Constituíntes coa misión de redactar e aprobar a Constitución española de 1876.
Os deputados que obtiveron un escano no Congreso polos distritos galegos nestas eleccións foron:[2]