Córneas, Baleira

Para outras páxinas con títulos homónimos véxase: Córneas.

Córneas
Igrexa de Córneas. Vista Leste
Concello	Baleira[1]
Provincia	Lugo
Coordenadas	42°58′00″N 7°07′00″O
Área	29,09 km²
Poboación	201 hab. (2019)
Densidade	6,91 hab./km²
Entidades de poboación	23[1]
[ editar datos en Wikidata ]

Santiago de Córneas é unha parroquia do concello lucense de Baleira.

Xentilicio

O seu xentilico é corneallo/a^[2].

Localización e características

Limita coas parroquias da Esperela e Fontaneira, e cos concellos da Fonsagrada, Becerreá, Navia de Suarna e Baralla. A parroquia pertence ó arciprestado de Valdepedroso. Ten 236 habitantes, distribuídos en 23 entidades ou núcleos, cunha densidade media de 8 hab/km² no 2013. Até hai pouco tempo conservábanse pallozas en Vilagarcía, Rebedul, Vilardoi, Vilela e Albaredo.

As entidades de poboación son as seguintes: Albaredo (10), Antiguallas (14), A Azoreira (6), As Bouzas (5), Córneas (5), Escanlar (10), Fontecavada (9), Fontela (12), A Gasalla (14), Montouto (12), Paradela (5), Pereira (9), A Rasela (abandonada), Rebedul (18), A Reboleira (1), Solleiros (3), Surriba (10), Valinfolgueiro (11), Vilagarcía (22), Vilanova (7), Vilardoi (24), Vilarín de Córneas (15) e Vilela (14).

A súa altitude media é de 560 metros.

Patrimonio

A igrexa parroquial de Santiago de Córneas ten planta rectangular dividida en tres naves afastadas por dúas fieiras de dúas columnas e dúas pilastras cada unha. O presbiterio é cadrado, e nun lateral acaróase a sancristía de planta rectangular. Os muros que a conforman son de cachotería e perpiaño de granito e lousa, e a cuberta de lousa a dúas e tres augas. Ao presbiterio accédese por un arco de medio punto que se asenta sobor dúas pilastras, con bóveda apuntada. O frontis ten un plano saínte na zona central, con portada de arco de medio punto, óculo e espadana de dous vaos. Sobre a portada hai unha pedra cuberta con cal coa data de erección desta, no século XVIII. Conserva no interior tres retablos, de estilo barroco coma o do altar maior.

As aldeas conservan a súa disposición tradicional. Na aldea de Antiguallas o núcleo de poboación está formado por varias casas feitas con muros de cachotería e perpiaño de granito e lousa, e cubertas do mesmo material. Son varios os hórreos e cabazos que se conservan, realizados con madeira, ramas de árbores e cuberta de palla de centeo. A aldea sitúase sobre un castro.

Lugares e parroquias

Lugares de Córneas

Lugares da parroquia de Córneas no concello de Baleira (Lugo)
Albaredo | Antiguallas | A Azoreira | As Bouzas | Córneas | Escanlar | Fontecavada | Fontela | A Gasalla | Montouto | Paradela | Pereira | A Rasela | Rebedul | A Reboleira | Solleiros | Surriba | Valinfolgueiro | Vilagarcía | Vilanova | Vilardoi | Vilarín de Córneas | Vilela

Parroquias de Baleira

Galicia | Provincia de Lugo | Parroquias de Baleira
A Braña (San Miguel) | Córneas (Santiago) | Cubilledo (Santiago) | A Degolada (San Lourenzo) | A Esperela (San Pedro) | A Fontaneira (Santiago) | Fonteo (Santa María) | A Lastra (San Xoán) | Librán (Santa Mariña) | Martín (Santiago) | Pousada (San Lourenzo) | Retizós (Santa María Madanela)

Notas

1. Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
2. "Xentilicios_0.pdf" (PDF). p. 20. Consultado o 22 de xullo de 2021. 

Véxase tamén

Outros artigos

• Lugares de Baleira