Cipriano Luís Jiménez Casas

Cipriano Luís Jiménez Casas

Biografía
Nacemento	5 de febreiro de 1941 (83 anos) Pontevedra, España
Formación profesional	Medicina e Cirurxía
Educación	Universidade de Santiago de Compostela
Actividade
Ocupación	escritor, psiquiatra
Xénero artístico	Ensaio e narrativa
Familia
Cónxuxe	Margarita Ledo Andión

Cipriano Luís Jiménez Casas, nado en Pontevedra o 5 de febreiro de 1941, é un psiquiatra e escritor galego.

Traxectoria

Licenciado con grao en Medicina e Cirurxía pola Universidade de Santiago de Compostela en 1966, foi especialista en Psiquiatría polas Universidades de Madrid, Lausana e Xenebra, e médico-psiquiatra en diversos hospitais.

Colaborou con múltiples artigos e traballos científicos en revistas e prensa galega e internacional, así como en diferentes congresos, centrándose especialmente en autismo e psiquiatría.

Obras en galego

Ensaio

• Control de natalidade. Métodos contraceptivos, 1977, Edicións do Rueiro.
• As voces de mármore. Autismo e psicoses infantís en Galicia, 1987, Xerais.
• Recursos e prioridades no campo das minusvalías psíquicas na comarca da Estrada, 1993, Deputación de Pontevedra.
• Da melancolía, 2006.

Narrativa

• Seixido e outras paranzas, 2009, Editorial Danú.

Obras colectivas

• O vínculo mai-filho e a saúde mental, 1982, Galiza Editora.
• A atención global ó deficiente, 1983, en colaboración.
• José Martí en Galicia, 1993, Asociación de Amizade Galego-Cubana "Francisco Villamil". Editor.
• Muller e cultura (Simposio Internacional), 1993, Universidade de Santiago de Compostela.
• Recursos e prioridades no campo das minusvalías psíquicas na comarca de A Estrada, 1993, Deputación de Pontevedra. Con Amalia Gómez García e Francisco Casal Porto.
• Lecer sen barreiras (2). Guía de Turismo Adaptado para Persoas con Discapacidade, 2005.
• A Coruña á luz das letras, 2008, Trifolium.

Obras en castelán

Ensaio

• Diálogos sobre clínica de la infancia, 1984, Paradiso (Barcelona).
• La esperanza no es un sueño, 1998, Escuela libre Editorial, Madrid.
• Guia de empleo con apoyo para personas con autismo, 2004.
• Ocio sin barreras / Lazer sem barreiras, 2004, en castelán e en portugués.

Obras colectivas

• El autismo 50 años después de Kanner. Actas VII Congreso, 1993, Salamanca.
• Tratamiento educativo de los trastornos de la lengua oral y escrita, 2001.
• Autismo y calidad de vida (Trastorno del espectro autista, necesidades y recursos), 2003.