Boris (grupo musical)

Boris ボリス
Orixe	Toquio, Xapón
Período	1992 - presente
Xénero(s)	rock experimental, doom metal, psicodelia, noise
Selo(s) discográfico(s)	F.A.S., Southern Lord, Hydra Head, Inoxia Records, Diwphalanx Records, Conspiracy Music, Sargent House, Third Man Records
Membros	Atsuo Takeshi Wata
Antigos membros	Nagata
Artistas relacionados	Sunn O))), Merzbow, Keiji Haino, Michio Kurihara, Ian Astbury
Na rede
borisheavyrocks.com

Boris (ボリス, Borisu) é unha banda xaponesa de rock experimental formada no ano 1992 en Toquio e composta polo batería Atsuo Mizuno, o guitarrista e baixista Takeshi Ohtani, e a guitarrista e teclista Wata. Os tres membros comparten as tarefas vocais. Boris ten publicados máis de vinte álbums de estudio a través de varios delos de todo o mundo, ademais de lanzar unha ampla variedade de álbums do vivo, recompilatorios, EPs, sinxelos e traballos colaborativos.

Historia

Boris formouse orixinalmente como un cuarteto con Atsuo Mizuno nas voces, Wata na guitarra, Takeshi Ohtani no baixo e Nagata na batería. A banda chámase así pola canción do mesmo nome aparecida no álbum dos Melvins Bullhead.^[1] O álbum de estrea de Boris, Absolutego, foi editado no ano 1996 a través do selo propio selo, Fangs Anal Satan. Nagata marchou en 1996 e Atsuo pasouse á batería, mentres que Wata pasou a tocar os teclados e a guitarra e Takeshi o baixo e a guitarra rítmica cun instrumento de dobre mastro deseñado por el mesmo.^[2] Os tres tamén adoptaron roles como vocalistas e a banda permaneceu dende entón como un trío.

No Xapón Boris publica a meirande parte da súa música a través do selo independente Inoxia Records. Aínda que é relativamente descoñecida no seu propio país, unha serie de reedicións dos seus primeiros álbums realizadas polo selo estadounidense Southern Lord Records provocaron un aumento de popularidade en América do Norte.^[3] Boris tamén colabora regularmente con outros artistas, primeiro fíxoo no álbum de 1998 Black: Implication Flooding co músico experimental Keiji Haino.^[4] A banda editou sete álbums colaborativos co artista noise Merzbow,^[5] e tamén publicou traballos con artistas internacionais como Sunn O)))^[6] e Ian Astbury.

A súa popularidade internacional reforzouse co seu álbum de 2005 Pink, que foi loubado pola crítica e tivo unha resposta positiva dos fans cando foi reeditado nos Estados Unidos por Southern Lord. As revistas Blender e SPIN nomeárono un dos mellores álbums do ano 2006.^[7] O disco tamén chegou á cima da sección de metal na enquisa dos lectores de 2006 da revista canadense Exclaim, e estivo entre os 10 primeiros na lista de Pitchfork Media dos 50 mellores discos do ano. O grupo tamén apareceu na banda sonora da película de Jim Jarmusch The Limits of Control en 2009. Con respecto a Boris, Jarmusch dixo que "o que é realmente destacable é que cando tocan ao vivo están en modo, de certa maneira, de músicos de jazz, non estruturalmente ou musicalmente, senón do xeito no que escoitan o que os outros fan e constrúen sobre iso. Cada vez que tocan algo é obviamente diferente".^[8]

Boris pasa gran parte do seu tempo xirando. Nunha entrevista Atsuo dixo:

"Que xiremos tanto e publiquemos tantos álbums, penso que representa o que somos. A comunicación directa é algo que se perdeu nestes días. É unha vergoña - [incluso] as entrevistas son por teléfono. Penso que é importante ver á xente cara a cara - por iso é tan importante saír de xira. É algo moi básico para os humanos que perdimos ultimamente".^[9]

Boris recibiu exposición internacional cando foron abreconcertos de Nine Inch Nails en parte da súa xira Lights in the Sky en 2008.^[10] Dende 2011 ata 2017 a banda publicou varios álbums co selo Sargent House Records, e continuou reeditando discos anteriores en formatos novos.^[11] En 2017, no 25 aniversario da banda, os seus membros consideraron retirarse tras un último disco. Porén, un exitoso proceso de composición e gravación para ese traballo animounos a continuar.^[12] O álbum Dear foi editado internacionalmente en xullo de 2017 a través de Sargent House.^[13] Posteriormente Boris editaron dous álbums máis, LφVE & EVφL e 1985, os dous no ano 2019.

Discografía

Álbums

Álbum	Ano	Selo
Absolutego	1996	Fangs Anal Satan
Amplifier Worship	1998	Mangrove
Flood	2000	Midi Creative, Fangs Anal Satan
Heavy Rocks	2002	Quattro/UK Discs, Fangs Anal Satan
Akuma no Uta	2003	Diwphalanx Records
Boris at Last -Feedbacker-	2003	Diwphalanx Records
The Thing Which Solomon Overlooked	2004	Kult Of Nihilow
Dronevil	2005	Misanthropic Agenda
Sound Track from Film "Mabuta no Ura"	2005	Essence Music
Pink	2005	Diwphalanx Records
The Thing Which Solomon Overlooked 2	2006	Conspiracy Records
The Thing Which Solomon Overlooked 3	2006	Conspiracy Records
Vein	2006	Important Records
Smile	2008	Diwphalanx Records
New Album	2011	Tearbridge Records
Heavy Rocks	2011	Daymare Recordings
Attention Please	2011	Daymare Recordings
Präparat	2013	Daymare Recordings, Disk Union
Noise	2014	Daymare Recordings
The Thing Which Solomon Overlooked Extra	2014	Taiga Records
Urban Dance	2015	Fangs Anal Satan
Warpath	2015	Fangs Anal Satan
Asia	2015	Fangs Anal Satan
Dear	2017	Sargent House
Love & Evol	2019	Third Man Records
No	2020	Fangs Anal Satan
W	2022	Sacred Bones Records
Heavy Rocks	2022	Relapse Records
Fade	2022	Fangs Anal Satan

Notas

1. "Boris | Biography & History". AllMusic (en inglés). Consultado o 2020-02-01. 
2. Astley-Brown 2017-08-07T11:03:14.218Z, Michael. "Rig tour: Boris". MusicRadar (en inglés). Consultado o 2020-02-01. 
3. Terich, Jeff (2018-02-09). "Shadow of the Horns: 20 Years of Southern Lord". Treble (en inglés). Consultado o 2020-02-01. 
4. "Arcane Candy » Blog Archive » Keiji Haino with Boris – Black: Implication Flooding". Consultado o 2020-02-01. 
5. Weingarten, Christopher R.; Weingarten, Christopher R. (2016-02-04). "Boris With Merzbow: Play With a Track From Interactive LP". Rolling Stone (en inglés). Arquivado dende o orixinal o 12 de novembro de 2021. Consultado o 2020-02-01. 
6. "Sunn O))) & Boris: Altar". Pitchfork (en inglés). Consultado o 2020-02-01. 
7. "The 50 Greatest CDs of 2006 Article on Blender :: The Ultimate Guide to Music and More". web.archive.org. 2007-09-30. Archived from the original on 30 de setembro de 2007. Consultado o 2020-02-01. 
8. Jim Jarmusch e Alan Licht, "Invisible Jukebox," The Wire 309, novembro de 2009, p. 23.
9. Millan, Nicolas. "Boris: Interview". Prefixmag.com (en inglés). Arquivado dende o orixinal o 02 de outubro de 2016. Consultado o 2020-02-01. 
10. "Boris, HEALTH, the Bug to Open for Nine Inch Nails | Pitchfork". web.archive.org. 2008-09-12. Archived from the original on 12 de setembro de 2008. Consultado o 2020-02-01. 
11. "Boris Announce New Album and North American Tour". Pitchfork (en inglés). Consultado o 2020-02-01. 
12. "Boris Celebrates 25 Years By Cleaving The Earth In Two With 'Absolutego'". NPR.org (en inglés). Consultado o 2020-02-01. 
13. "Borisheavyrocks". Borisheavyrocks (en xaponés). Arquivado dende o orixinal o 28 de maio de 2019. Consultado o 2020-02-01. 

Véxase tamén

Ligazóns externas

• Páxina da banda